తెలంగాణకు ఐపీఎస్ పోస్టుల కేటాయింపుపై పార్లమెంట్లో తెరాస ఎంపీ రంజిత్ రెడ్డి లేవనెత్తిన ప్రశ్నలకు కేంద్ర హోంశాఖ సహాయ మంత్రి నిత్యానందరాయ్ లిఖితపూర్వక సమాధానం ఇచ్చారు. రాష్ట్రానికి 2020 జనవరి 1 నాటికి 139 ఐపీఎస్ పోస్టులు కేటాయించారని తెలిపారు. ప్రస్తుతం 34 పోస్టులు ఖాళీగా ఉన్నాయని వెల్లడించారు. పదవీ విరమణ, రాజీనామాలు, మరణాలు, ఉద్యోగాల నుంచి తొలగింపులే ఖాళీలకు కారణమని చెప్పారు. ఐపీఎస్ల కొరతను నివారించడానికి ఏటా బ్యాచ్ సంఖ్యను పెంచుతున్నట్లు లేఖలో పేర్కొన్నారు.
2005లో సివిల్స్ పరీక్షల ద్వారా నియమించే ఐపీఎస్ల సంఖ్యను 88 నుంచి 103కి, 2008-130, 2009-150, 2020-200కి పెంచినట్లు నిత్యానందరాయ్ వివరించారు. 2019లో తెలంగాణ కేడర్కు ఐదుగురు ఐపీఎస్ అధికారులను కేటాయించినట్లు వెల్లడించారు.
- ఇదీ చూడండి : త్వరలోనే ఉద్యోగాల భర్తీ
