ఆదిలాబాద్ జిల్లాలో కరోనా మహమ్మారి తన ప్రతాపం చూపిస్తోంది. జిల్లాలో కొవిడ్‌ బారినపడి మరొకరు మృతి చెందారు. పట్టణ పరిధిలోని అంబేడ్కర్ కాలనీకి చెందిన 45 ఏళ్ల వ్యక్తికి 5 రోజుల కిందట కరోనా సోకగా... రిమ్స్‌ ఐసోలేషన్‌లో చేర్చారు. శ్వాస తీసుకోవడంలో తీవ్ర ఇబ్బందులు ఎదురుకావడం వల్ల అత్యవసర వైద్యం అందించే ప్రయత్నం చేశారు.
అర్ధరాత్రి ప్రత్యేక అంబులెన్స్‌లో హైదరాబాద్‌ గాంధీ ఆసుపత్రికి తరలిస్తుండగా... మార్గమధ్యలోనే బాధితుడు కన్నుమూశాడు. ఈ ఘటనతో జిల్లాలో కరోనా మృతుల సంఖ్య ఐదుకు చేరుకుందని జిల్లా వైద్యారోగ్యశాఖాధికారి డా. నరేందర్‌ రాఠోడ్‌ తెలిపారు.
