చివర్లలో అమ్మకాల ఒత్తిడి.. ఫ్లాట్గా ముగిసిన మార్కెట్లు

Stock Market Live Updates

Published : May 5, 2022, 9:28 AM IST

Updated : May 5, 2022, 3:48 PM IST

15:35 May 05

స్టాక్ మార్కెట్లు గురువారం ఫ్లాట్గా ముగిశాయి. మార్కెట్లు ముగిసే నాటికి సెన్సెక్స్ 33 పాయింట్లు వృద్ధి చెంది 55,702 వద్ద స్థిరపడింది. నిఫ్టీ 5 పాయింట్ల పెరిగి 16,682 వద్ద స్థిరపడింది. ఓ దశలో దాదాపు 900 పాయింట్ల మేర పెరిగిన సెన్సెక్స్.. భారీగా తగ్గింది. చివరకు సూచీలు ఫ్లాట్గా ముగిశాయి. పవర్, ఐటీ రంగాలు లాభాలను నమోదు చేయగా.. రియల్ ఎస్టేట్, ఎఫ్‌ఎంసీజీ, ఫార్మా సూచీలు తీవ్రంగా నష్టపోయాయి.

సెన్సెక్స్లో టెక్ మహీంద్రా, ఇన్ఫోసిస్ , హెచ్సీఎల్ టెక్, విప్రో, టాటా స్టీల్, కొటాక్ బ్యాంక్, టీసీఎస్, హెడ్ఎఫ్సీ, ఐసీఐసీఐ షేర్లు లాభాలు గడించాయి. మారుతి, హెడ్ఎఫ్సీ బ్యాంక్, పవర్ గ్రిడ్, యాక్సిస్ బ్యాంక్, బజాజ్ ఫైనాన్స్, టాటా ,టైటాన్ షేర్లు నష్టాలతో ముగిశాయి.
నిఫ్టీలో టెక్ మహీంద్రా, హీరో మోటో, ఇన్ఫీ, హెచ్సీఎల్ టెక్, విప్రో లాభాలు ఆర్జించాయి. ఇండస్ ఇండ్ బ్యాంక్, బ్రిటానియా, టాటా, సన్ఫార్మా షేర్లు నష్టాలతో ముగిశాయి.

13:59 May 05

ఆరంభ లాభాలు ఆవిరి.. భారీ లాభాల నుంచి స్టాక్ మార్కెట్లు వెనక్కిమళ్లాయి. ఓ దశలో దాదాపు 900 పాయింట్ల మేర పెరిగిన సెన్సెక్స్.. భారీగా తగ్గింది. ప్రస్తుతం 30 పాయింట్ల నష్టంతో.. 55 వేల 630 వద్ద ట్రేడవుతోంది. నిఫ్టీ 15 పాయింట్లు తగ్గి.. 16 వేల 663 వద్ద కొనసాగుతోంది. టెక్ మహీంద్రా, ఇన్ఫోసిస్, హీరో మోటోకార్ప్, టాటా స్టీల్, హెచ్సీఎల్ టెక్ లాభాల్లో ఉన్నాయి. ఇండస్ఇండ్ బ్యాంక్, నెస్లే, బ్రిటానియా, అల్ట్రాటెక్ సిమెంట్ నష్టపోయాయి.

10:25 May 05

Stock Market Updates: స్టాక్ మార్కెట్లు భారీ లాభాల్లో కొనసాగుతున్నాయి. సెన్సెక్స్ దాదాపు 700 పాయింట్ల లాభంతో 56 వేల 372 వద్ద ట్రేడవుతోంది. నిఫ్టీ 210 పాయింట్లకుపైగా పెరిగి 16 వేల 890 వద్ద ఉంది. అమెరికా మార్కెట్లు గత సెషన్లో మంచి లాభాల్లో ముగియడం, దేశీయ సూచీలు గత సెషన్లో భారీగా నష్టపోవడం నేపథ్యంలో.. ఇవాళ మదుపరులు కొనుగోళ్లకు మొగ్గుచూపుతున్నారు. ఇన్ఫోసిస్ సహా ఇతర హెవీవెయిట్ షేర్లు పుంజుకోవడం మార్కెట్ల లాభాలకు కారణం.

ఆటో, బ్యాంకింగ్, ఐటీ, లోహ రంగాల షేర్లు దూసుకెళ్తున్నాయి. బ్యాంకింగ్, విద్యుత్ షేర్లు 2 శాతం మేర పెరిగాయి. సెన్సెక్స్ 30 ప్యాక్లో దాదాపు అన్నీ లాభాల్లో ఉన్నాయి. హీరో మోటోకార్ప్, టెక్ మహీంద్రా, ఇన్ఫీ, టాటా స్టీల్, ఓఎన్జీసీ, ఎస్బీఐ రాణిస్తున్నాయి. నెస్లే, టైటాన్ కంపెనీ, అల్ట్రాటెక్ సిమెంట్స్, అపోలో హాస్పిటల్స్ డీలాపడ్డాయి.

09:17 May 05

చివర్లలో అమ్మకాల ఒత్తిడి.. ఫ్లాట్గా ముగిసిన మార్కెట్లు

Stock Market Live Updates: భారీ నష్టాల నుంచి.. దేశీయ స్టాక్ మార్కెట్ సూచీలు బలంగా పుంజుకున్నాయి. బొంబాయి స్టాక్ ఎక్స్చేంజి సూచీ సెన్సెక్స్ తొలుత దాదాపు 650 పాయింట్ల మేర లాభంతో ప్రారంభమైంది. ప్రస్తుతం 400 పాయింట్లు పెరిగి 56 వేల 70 వద్ద కొనసాగుతోంది. జాతీయ స్టాక్ ఎక్స్చేంజి సూచీ నిఫ్టీ 130 పాయింట్ల లాభంతో 16 వేల 807 వద్ద ట్రేడవుతోంది. ద్రవ్యోల్బణాన్ని నియంత్రించేందుకు కీలక రేట్లు పెంచుతున్నట్లు ఆర్బీఐ ప్రకటించిన నేపథ్యంలో.. గత సెషన్లో సెన్సెక్స్ 1307, నిఫ్టీ 392 పాయింట్లు పతనమైంది.

హీరో మోటోకార్ప్, ఓఎన్జీసీ, టెక్ మహీంద్రా, టాటా స్టీల్, కోటక్ మహీంద్రా రాణిస్తున్నాయి. నెస్లే, టైటాన్ కంపెనీ, ఎన్టీపీసీ, అపోలో హాస్పిటల్స్, భారతీ ఎయిర్టెల్ స్వల్ప నష్టాల్లో ఉన్నాయి. అమెరికా ఫెడరల్ రిజర్వు కీలక వడ్డీ రేట్లను 0.5 శాతం మేర పెంచినప్పటికీ అక్కిడ మార్కెట్లు బుధవారం మంచి లాభాల్లోనే ముగిశాయి. అంతర్జాతీయంగానూ బలమైన సంకేతాలతో దేశీయ సూచీలు లాభాల్లో ఉన్నట్లు వ్యాపార నిపుణులు చెబుతున్నారు.

ఇవీ చూడండి: ఆర్బీఐ షాక్.. వడ్డీ రేట్లు పెంపు.. ఈఎంఐలు మరింత భారం

వడ్డీ రేట్లు పెంచిన ఫెడ్.. 20ఏళ్లలో ఇదే అత్యధికం

15:35 May 05

సెన్సెక్స్లో టెక్ మహీంద్రా, ఇన్ఫోసిస్ , హెచ్సీఎల్ టెక్, విప్రో, టాటా స్టీల్, కొటాక్ బ్యాంక్, టీసీఎస్, హెడ్ఎఫ్సీ, ఐసీఐసీఐ షేర్లు లాభాలు గడించాయి. మారుతి, హెడ్ఎఫ్సీ బ్యాంక్, పవర్ గ్రిడ్, యాక్సిస్ బ్యాంక్, బజాజ్ ఫైనాన్స్, టాటా ,టైటాన్ షేర్లు నష్టాలతో ముగిశాయి.
నిఫ్టీలో టెక్ మహీంద్రా, హీరో మోటో, ఇన్ఫీ, హెచ్సీఎల్ టెక్, విప్రో లాభాలు ఆర్జించాయి. ఇండస్ ఇండ్ బ్యాంక్, బ్రిటానియా, టాటా, సన్ఫార్మా షేర్లు నష్టాలతో ముగిశాయి.

13:59 May 05

10:25 May 05

09:17 May 05

చివర్లలో అమ్మకాల ఒత్తిడి.. ఫ్లాట్గా ముగిసిన మార్కెట్లు

ఇవీ చూడండి: ఆర్బీఐ షాక్.. వడ్డీ రేట్లు పెంపు.. ఈఎంఐలు మరింత భారం

వడ్డీ రేట్లు పెంచిన ఫెడ్.. 20ఏళ్లలో ఇదే అత్యధికం

Last Updated : May 5, 2022, 3:48 PM IST

For All Latest Updates