STOCK MARKET CLOSING: దేశీయ స్టాక్ మార్కెట్లు సోమవారం నష్టాలతో ముగిశాయి. వడ్డీ రేట్లు పెరుగుతాయనే సంకేతాలతో మదుపరులు పెట్టుబడులను వెనక్కి తీసుకున్నారని విశ్లేషకులు చెబుతున్నారు. దాదాపు అన్ని రంగాల కంపెనీల షేర్లు నష్టాలను చవిచూశాయి. బీఎస్ఈ మిడ్క్యాప్, స్మాల్క్యాప్ షేర్లు కూడా 1 శాతం నష్టపోయాయి. సెన్సెక్స్ 872.28 పాయింట్లు నష్టపోయి 58,773.87 వద్ద ముగిసింది, నిఫ్టీ 267.75 పాయింట్లు క్షీణించి 17,490.70 వద్దకు చేరుకుంది.
లాభనష్టాల్లో ఇవే..
ఐటీసీ, నెస్లే ఇండియా షేర్లు లాభాల్లో ముగిశాయి. డాక్టర్ రెడ్డీస్, రిలయన్స్, హిందుస్థాన్ యూనిలీవర్, ఇండస్ లాండ్, భారతీ ఎయిర్టెల్, ఎన్టీపీసీ, టీసీఎస్ షేర్లు నష్టపోయాయి.
రూపాయి విలువ:
అంతర్జాతీయ మార్కెట్లో రూపాయి మారకపు విలువ డాలరుతో పోలిస్తే.. రూ.79.84 వద్ద స్థిరపడింది.
చమురు ధర: బ్రెంట్ చమురు ధర 0.81 శాతం తగ్గి 95.94 డాలర్ల వద్ద కొనసాగుతోంది.
ఇవీ చూడండి:
యూపీఐ చెల్లింపులపై ఛార్జీలు, క్లారిటీ ఇచ్చిన కేంద్ర ఆర్థిక శాఖ
