Ola S1X Electric Scooter Price : ఎలక్ట్రిక్ వాహన రంగంలో దూసుకెళ్తున్న ఓలా.. సరికొత్త బైక్ మోడళ్లను ఆవిష్కరించింది. ఎస్1ఎక్స్ పేరుతో ఎంట్రీ లెవెల్ ఈ-స్కూటర్లను లాంఛ్ చేసింది. ఇంజిన్లతో నడిచే సంప్రదాయ ద్విచక్రవాహనాలకు పోటీ ఇచ్చే విధంగా అతితక్కువ ధరకే ఓ ఎలక్ట్రిక్ స్కూటర్ను అందుబాటులోకి తెచ్చింది. రూ.79,999కే దీన్ని మార్కెట్లోకి తెస్తున్నట్లు ప్రకటించింది. దీంతో పాటు 2024 చివరి నాటికి తమ సంస్థ విడుదల చేయనున్న నాలుగు ఎలక్ట్రిక్ బైక్ల నమూనాలను ప్రదర్శించింది. తమిళనాడు కృష్ణగిరిలోని ఓలా ఫ్యూచర్ ఫ్యాక్టరీలో నిర్వహించిన కస్టమర్ ఈవెంట్లో సంస్థ వ్యవస్థాపకుడు, సీఈఓ భవీశ్ అగర్వాల్ ఈ మేరకు కొత్త మోడళ్ల వివరాలు వెల్లడించారు.
- ఓలా ఎస్1ఎక్స్ ఫీచర్లు
- Ola S1X Specifications : కంపెనీ విడుదల చేసిన ఇతర మోడళ్ల మాదిరిగానే ఈ ఓలా ఎస్1ఎక్స్ సైతం స్టైలిష్గా కనిపిస్తోంది.
- ఎస్1ఎక్స్ గంటకు 90 కిలోమీటర్ల వేగంతో దూసుకెళ్లనుంది.
- సింగిల్ ఛార్జ్తో 151 కిలోమీటర్లు ప్రయాణిస్తుంది.
- మూడు వేరియంట్లలో ఇది అందుబాటులో ఉండనుంది.
- ఎస్1ఎక్స్ (2kwh)
- ఎస్1ఎక్స్ (3kwh)
- ఎస్1ఎక్స్ ప్లస్ (3kwh + ఇతర ఫీచర్లు)
ఆఫర్ ధర.. వారం మాత్రమే!
Ola S1X On Road Price : ఎస్1ఎక్స్ 2kwh బ్యాటరీ వేరియంట్ ప్రారంభ ధరను రూ.79,999గా నిర్ణయించినట్లు భవీశ్ అగర్వాల్ వెల్లడించారు. తొలి వారం రోజులు మాత్రమే ఈ ఆఫర్ ధర అమలులో ఉంటుందని తెలిపారు. ఆ తర్వాత బైక్ ధరను రూ.89,999కి పెంచనున్నట్లు వివరించారు. ఈ వాహనాల బుకింగ్స్ ( Ola S1X Booking ) వెంటనే ప్రారంభం కానున్నాయి. డిసెంబర్ నుంచి వాహనాల డెలివరీ ప్రారంభమవుతుంది.
- " class="align-text-top noRightClick twitterSection" data="">
అదే విధంగా ఎస్1ఎక్స్ 3kwh వేరియంట్ రూ.89,999కి అందుబాటులో ఉంటుందని, వారం తర్వాత దాని ధర రూ.99,999గా ఉంటుందని భవీశ్ వివరించారు. ఈ వాహనాల డెలివరీ సైతం డిసెంబర్ నుంచే ప్రారంభిస్తామని చెప్పారు. ఎస్1ఎక్స్+ ( Ola S1X Plus Price ) ప్రారంభ ధర రూ.99,999గా ఉండగా.. వారం తర్వాత అది రూ.1,09,999కి పెరుగుతుందని స్పష్టం చేశారు. ఈ మోడళ్లను సైతం కస్టమర్లు వెంటనే బుక్ చేసుకోవచ్చని, డెలివరీ సెప్టెంబర్ చివరి నాటికే ప్రారంభిస్తామని తెలిపారు.
ఆ బైక్ల కాలం చెల్లినట్టే..
ఎస్1ఎక్స్, ఎస్1ఎక్స్+ వేరియంట్ల సాఫ్ట్వేర్లు వేరని, కనెక్టివిటీ ఫీచర్లు సైతం భిన్నంగా ఉంటాయని భవీశ్ స్పష్టం చేశారు. ఈ ఎంట్రీ లెవెల్ వాహనాలను రోజూ 10-20 కిలోమీటర్లు ప్రయాణించేవారి కోసం ప్రత్యేకంగా రూపొందించినట్లు వెల్లడించారు. ఈ వాహనాలతో ఐసీఈ స్కూటర్లకు కాలం చెల్లినట్లేనని వ్యాఖ్యానించారు. ప్రపంచ మార్కెట్లోకి ఓలా ఎంట్రీపైనా స్పష్టతనిచ్చారు.
"కీలక టెక్నాలజీలను దేశీయంగా అభివృద్ధి చేసి, సప్లై ఛైన్లను మెరుగుపర్చి.. ఐసీఈ, ఈవీ ధరల మధ్య సారూప్యత తెచ్చేందుకు వేగంగా, స్పష్టమైన విజన్తో పనిచేస్తున్నాం. ఐసీఈ (ఇంటర్నల్ కంబషన్ ఇంజిన్) స్కూటర్లతో పోలిస్తే ఎలక్ట్రిక్ స్కూటర్లు వాడటమే చాలా ప్రయోజనకరం. ఓలా ప్రవేశపెట్టిన ఈ స్కూటర్ల ద్వారా ఐసీఈ స్కూటర్లకు కాలం చెల్లుతుంది. 2024 చివరి నాటికి ఓలా ఎలక్ట్రిక్ వాహనాలు ప్రపంచ మార్కెట్లో అందుబాటులోకి రానున్నాయి. ఈ బైక్లు ప్రపంచం కోసం ఇండియాలో తయారవుతాయి."
-భవీశ్ అగర్వాల్, ఓలా ఎలక్ట్రిక్ సీఈఓ
ఎస్1ప్రో సెకండ్ జనరేషన్..
Ola S1 Pro Gen 2 : కొత్త మోడళ్లతో పాటు ఎస్1ప్రో సెకండ్ జనరేషన్ బైక్ను సైతం ఓలా ఆవిష్కరించింది. రూ.1,47,499కి దీన్ని అందుబాటులోకి తెచ్చింది. సెప్టెంబర్లో ఈ వాహనాల డెలివరీ ప్రారంభిస్తామని తెలిపింది. ఇవే కాకుండా ఎస్1 ఎయిర్ అనే ఈ-స్కూటీని సైతం ఓలా ఉత్పత్తి చేస్తోంది.
- " class="align-text-top noRightClick twitterSection" data="">
ఫ్యూచర్ బైక్స్ అదుర్స్..
భవిష్యత్లో అందుబాటులోకి తేవాలని భావిస్తున్న బైక్ల నమూనాలను సైతం తాజా కార్యక్రమంలో ఓలా ప్రదర్శించింది. డైమండ్హెడ్, అడ్వెంచర్, రోడ్స్టర్, క్రూజర్ వేరియంట్లను పరిచయం చేసింది. దీంతో పాటు బైక్లలో వినియోగించే మూవ్ఓఎస్4 సాఫ్ట్వేర్ అప్డేట్ తీసుకొచ్చింది. వందకు పైగా ఫీచర్లకు మెరుగులు దిద్దడమే కాకుండా.. ఓలా మ్యాప్స్, ఫైండ్ మై స్కూటర్, జియో ఫెన్సింగ్ వంటి 20 కొత్త ఫీచర్లను అందుబాటులోకి తెచ్చింది.
- " class="align-text-top noRightClick twitterSection" data="">
200 కి.మీ మైలేజీ ఇచ్చే సూపర్ ఎలక్ట్రిక్ స్కూటర్.. ధర ఎంతంటే?
సెకండ్ హ్యాండ్ బైక్ కొంటున్నారా?.. అయితే ఈ విషయాలు తప్పక తెలుసుకోండి!
