ITR Deadline : టాక్స్​ పేయర్స్​కు అలర్ట్​.. ఐటీఆర్​ డెడ్​లైన్​ పొడిగించే అవకాశం లేదు!.. త్వరపడండి!

ITR Deadline Not Extending For AY 2023 24 : ఆదాయపన్ను రిటర్నులు దాఖలు చేయనివారికి అలర్ట్​. ఐటీఆర్​ దాఖలు చేయడానికి మరో రెండు రోజులు మాత్రమే గడువు ఉంది. అయితే గతేడాది మాదిరి, ఈసారి కూడా ఐటీఆర్​ దాఖలుకు గడువును పెంచేది లేదని ఇన్​కంటాక్స్ డిపార్ట్​మెంట్ స్పష్టం చేసింది. పూర్తి వివరాలు మీ కోసం.

ITR Filing Last Date: 2023-24 ఆర్థిక సంవత్సరానికి గాను ఆదాయ పన్ను రిటర్నులు దాఖలు చేయడానికి ఆఖరు తేదీ జులై 31. అయితే ఈ గడువును ఇక పొడిగించే అవకాశం లేదని ఆదాయపన్ను శాఖ స్పష్టం చేసింది. కనుక టాక్స్ పేయర్స్​ అందరూ కచ్చితంగా గడువులోగా ఐటీఆర్​ సబ్​మిట్​ చేయాలని స్పష్టం చేసింది.

సెలవు దినాల్లోనూ దాఖలు చేయొచ్చు!
2023 Income Tax Return Dates : ఐటీఆర్​ దాఖలు చేయడానికి కేవలం మరో రెండు రోజులు మాత్రమే గడువు ఉంది. అందుకే పన్ను చెల్లింపుదారులు శని, ఆదివారాల్లో సైతం ఐటీఆర్ దాఖలు చేయడానికి ఆదాయపన్ను శాఖ అనుమతి ఇస్తోంది.

• We express our gratitude to the taxpayers & tax professionals for helping us reach the milestone of 5 crore Income Tax Returns (ITRs), 3 days early this year, compared to the preceding year!
  
  Over 5 crore ITRs for AY 2023-24 have already been filed till 27th of July this year as…

  — Income Tax India (@IncomeTaxIndia) July 28, 2023 " class="align-text-top noRightClick twitterSection" data="

  We express our gratitude to the taxpayers & tax professionals for helping us reach the milestone of 5 crore Income Tax Returns (ITRs), 3 days early this year, compared to the preceding year!
  
  Over 5 crore ITRs for AY 2023-24 have already been filed till 27th of July this year as…

  — Income Tax India (@IncomeTaxIndia) July 28, 2023

  ">

  We express our gratitude to the taxpayers & tax professionals for helping us reach the milestone of 5 crore Income Tax Returns (ITRs), 3 days early this year, compared to the preceding year!
  
  Over 5 crore ITRs for AY 2023-24 have already been filed till 27th of July this year as…

  — Income Tax India (@IncomeTaxIndia) July 28, 2023

"ఐటీఆర్​ ఫైలింగ్​, పన్ను చెల్లింపులు తదితర సేవలు అందించడం కోసం 24x7 గంటల ప్రాతిపదికన ఇన్​కం టాక్స్​ డిపార్ట్​మెంట్ హెల్ప్​డెస్క్​ పనిచేస్తోంది. ముఖ్యంగా టాక్స్ పేయర్స్​కు కాల్స్​, లైవ్​ ఛాట్స్​, వెబ్​ఎక్స్​ సెషన్స్​, సోషల్​ మీడియా ద్వారా సహాయం అందిస్తున్నాం."
- ఇన్​కం టాక్స్ ఇండియా​ ట్వీట్​

5 కోట్ల ఐటీఆర్​లు
2023 Income Tax Returns : 2023-24 ఆర్థిక సంవత్సరానికి సంబంధించి ఇప్పటి వరకు 5.3 కోట్ల ఐటీఆర్​లు దాఖలు అయ్యాయని ఆదాయపన్ను శాఖ స్పష్టం చేసింది. వీటిలో ఇప్పటికే దాదాపు 4.46 కోట్ల ఐటీఆర్​లను ఈ-వెరిఫై కూడా చేసినట్లు తెలిపింది. అంటే ఆదాయ పన్ను శాఖ దాదాపు 88 శాతానికి పైగా ఐటీఆర్​లను ఇప్పటికే ఈ-వెరిఫై చేసినట్లు స్పష్టం అవుతోంది. అలాగే వీటిలో 2.69 కోట్ల ఐటీఆర్​లను పూర్తిగా ప్రాసెస్​ కూడా చేసినట్లు వెల్లడించింది. అంటే ఐటీఆర్​ సమర్పించిన వారికి రిఫండ్​ను కూడా అందించినట్లు ఆదాయపన్ను శాఖ స్పష్టం చేసింది.

రిఫండ్​ రావాలంటే!
ITR Return Online : వ్యక్తులు తాము ఆర్జించిన ఆదాయం, ఇతర ఆర్థిక అంశాల ఆధారంగా, సరైన ఐటీఆర్​ ఫారాన్ని ఎంచుకోవాలి. వాటిని పూర్తిగా ఫిల్​ చేసి, ఐటీఆర్​ దాఖలు చేయాల్సి ఉంటుంది. అప్పుడే ఐటీఆర్​ రిఫండ్​ వస్తుంది.

పన్ను చెల్లింపుదారులకు ధన్యవాదాలు
Tax Payers In India : గతేడాదితో పోల్చితే.. ఈ ఆర్థిక సంవత్సరంలో అధికంగా ఐటీఆర్​లు దాఖలు అయ్యాయి. ఇంకా రెండు రోజులు గడువు ఉండగానే.. 5 కోట్ల ఐటీఆర్​లు దాఖలు కావడానికి సహకరించిన పన్ను చెల్లింపుదారులకు, పన్ను నిపుణులకు ఆదాయపన్ను శాఖ ధన్యవాదాలు తెలిపింది. మిగిలిన రెండు రోజుల్లో మరింతగా ఐటీఆర్​లు దాఖలు అయ్యే అవకాశం ఉందని ఆశాభావం వ్యక్తం చేసింది.

నోట్​ : గత ఆర్థిక సంవత్సరంలోనూ ఆదాయపన్ను శాఖ ఐటీఆర్​ రిటర్నుల దాఖలు తేదీని పొడిగించలేదు. దీని వల్ల చాలా మంది ఆదాయ పన్ను రిఫండ్​లను కోల్పోయారు. అలాగే అధిక పన్నుల భారాన్ని కూడా భరించాల్సి వచ్చింది. అందువల్ల చివరి నిమిషంలో ఉన్న రద్దీని తప్పించుకునేందుకు.. పన్ను చెల్లింపుదారులు అందరూ త్వరగా ఐటీఆర్​ ఫైల్​ చేయాలని ఇన్​కం టాక్స్ డిపార్ట్​మెంట్ కోరింది.

• ఇవీ చదవండి :