How to Register SBI Mobile Banking Services: గతంలో.. మనం డబ్బులు విత్ డ్రా చేయడానికైనా.. డిపాజిట్ చేయడానికైనా బ్యాంకుకు వెళ్లాల్సిందే. గంటల తరబడి క్యూ లైన్లో నిల్చొని పన పూర్తి చేసుకోవాల్సి వచ్చేది. ఇలాంటి పరిస్థితుల్లో.. బ్యాంకులకు వెళ్లాలంటే చాలా మందికి విసుగు వచ్చేదంటే అతిశయోక్తి కాదు. అయితే.. మారుతున్న కాలానికి అనుగుణంగా సాంకేతికతను అందిపుచ్చుకున్న బ్యాంకులు.. మొబైల్ బ్యాంకింగ్ సేవలను అందుబాటులోకి తీసుకొచ్చాయి. ఆ తర్వాత.. ఫోన్ పే, గూగుల్ పే, పేటీఎమ్ వంటి యాప్లు రావడంతో.. జనాలకు బ్యాంకులకు వెళ్లేపని మరింతగా తగ్గిపోయింది.
అయితే.. బ్యాంకు లావాదేవీలకు సంబంధించిన స్టేట్మెంట్లు, ఇతర వివరాల కోసం.. మొబైల్ బ్యాంకింగ్ ను వాడాల్సిందే. కానీ.. వాటి గురించి సామాన్యులకు లోతైన అవగాహన లేదు. దీంతో.. అనివార్యంగా వీరంతా బ్యాంకుల చుట్టూనే తిరగాల్సి వస్తోంది. ఇలాంటి వారి కోసమే ఎస్బీఐ ఈజీ పద్ధతుల్లో మొబైల్ బ్యాంకింగ్ సేవలు వినియోగించుకోవడం కోసం కొన్ని సింపుల్ ప్రాసెస్లు అందుబాటులోకి తెచ్చింది.
State Bank of India Mobile Banking Services: స్టేట్ బ్యాంక్ ఆఫ్ ఇండియా.. తన వినియోగదారులు ప్రపంచంలోని ఏ మూల నుంచైనా సులభంగా లావాదేవీలు జరపడానికి.. సాంకేతికతకు అనుగుణంగా తనను తాను మార్చుకుంది. నెట్ బ్యాంకింగ్ సదుపాయంతో పాటు, మొబైల్ బ్యాంకింగ్ సేవలను అందిస్తోంది. యాప్స్ రాజ్యమేలుతున్న ఈ ఆధునిక యుగంలో.. తన యూజర్స్ కోసం పలు యాప్స్ తీసుకొచ్చింది. వీటిలో.. SBI YONO, BHIM SBI PAY, SBI బడ్డీ వంటి కొన్ని మొబైల్ బ్యాంకింగ్ యాప్లు అందుబాటులో ఉన్నాయి.
How Many Steps to Register SBI Mobile Banking Services: ఇందులో.. SBI మొబైల్ బ్యాంకింగ్ కు సేవలను సరళతరం చేసేదే YONO యాప్. దీనికి లైట్ వెర్షన్ కూడా తీసుకొచ్చింది. అదే.. YONO Lite. మరి, ఈ యాప్ ను ఎలా వినియోగించుకోవాలి? ఇందుకోసం నాలుగు పద్ధతులు ఉన్నాయి. వీటిలో ఏదో ఒక దాన్ని ఎంచుకుంటే సరిపోతుంది. ఆ వివరాలు ఇప్పుడు చూద్దాం.
Steps to Register the SBI Mobile Banking Services :
స్టెప్ 1 : SMS(Short Message Service)
- 9223440000/9223567676కు మీ మొబైల్ నంబర్ నుంచి 'MBSREG' అని SMS చేయండి.
- మీరు మీ వినియోగదారు ID(Customer ID), MPINని అందుకుంటారు.
- ఎస్ఎంఎస్‌లో వచ్చిన లింక్ క్లిక్ చేసి మొబైల్ బ్యాంకింగ్ యాప్ డౌన్‌లోడ్ చేసుకోవాలి.
- అనంతరం యూజర్ ఐడీ, పిన్ ఎంటర్ చేసి లాగిన్ కావాలి.
స్టెప్ 2 : SBI ATMs(Automated Teller Machine) ద్వారా కూడా నమోదు చేసుకోవచ్చు
- సమీపంలోని SBI ATMకు వెళ్లాలి.
- స్క్రీన్‌పై 'మొబైల్ రిజిస్ట్రేషన్(Mobile Registration)'ఎంపికను ఎంచుకోండి.
- అనంతరం మీ రిజిస్టర్డ్ మొబైల్ నంబర్‌ను నమోదు చేయాలి.
- ధ్రువీకరించబడిన తర్వాత, మీకు SMS వస్తుంది.
- ఆ మెసేజ్నుంచి YONO యాప్ను డౌన్ లోడ్ చేసుకోవాలి.
- అనంతరం మీరు SBI మొబైల్ బ్యాంకింగ్ సేవలను ఉపయోగించవచ్చు.
స్టెప్ 3: బ్యాంక్కు వెళ్లి నమోదు చేసుకోవడం
- మీ SBI హోమ్ బ్రాంచ్‌ని సందర్శించాలి.
- మొబైల్ బ్యాంకింగ్ సేవల కోసం రిజిస్ట్రేషన్ ఫారమ్ను పూర్తి చేయాలి.
- మొబైల్ బ్యాంకింగ్ సేవలను పొందేందుకు ఆమోదం పొందడానికి పూర్తి చేసిన ఫారమ్ను బ్రాంచ్ కార్యాలయంలో అందజేయాలి.
స్టెప్ 4: మొబైల్ యాప్ ద్వారా నమోదు
- మీ మొబైల్ ఫోన్‌లో Google Play స్టోర్ లేదా యాప్ స్టోర్‌ని ఓపెన్ చేయాలి.
- ‘YONO SBI’ యాప్ లేదా ‘YONO Lite SBI’ కోసం సెర్చ్ చేసి, యాప్ను డౌన్‌లోడ్ చేసుకోవాలి.
- అనంతరం డీటెయిల్స్ ఎంటర్ చేసి మొబైల్ బ్యాంకింగ్ సేవలను ఉపయోగించుకోవచ్చు.
