How to Check Income Tax Refund Status : ఆదాయ పన్ను చెల్లింపుదారులకు ఉపశమనం కల్పిస్తూ, కేంద్ర ప్రభుత్వం ఆదాయపు పన్ను వాపసు జారీ చేస్తున్న విషయం తెలిసిందే. మీరు ప్రస్తుత ఆర్థిక సంవత్సరానికి సంబంధించి జులై 31లోపు ఐటీఆర్ ఫైల్ చేసి.. ఇప్పుడు రిఫండ్ కోసం ఎదురుచూస్తున్నారా? అయితే.. వాస్తవానికి మొదట ఐటీఆర్ వెరిఫికేషన్ పూర్తి అయ్యాకే రిఫండ్ ప్రక్రియ ప్రారంభమవుతుంది. కాబట్టి.. వెరిఫికేషన్ ప్రక్రియ పూర్తి అయితేనే మీకు రావాల్సిన రిఫండ్ మీరు ఇచ్చిన బ్యాంకు ఖాతాలో జమ అవుతుంది.
Income Tax Refund Status Check in Online : అయితే.. దీని కోసం మీ బ్యాంకు అకౌంట్ తప్పనిసరిగా పాన్కార్డుకి లింక్ అయ్యి ఉండాలి. ఇంతకుముందు తీరుగా ఇప్పుడు ఆదాయ పన్ను శాఖ(Income Tax Department) చెక్కులు జారీ చేయడం లేదు. గతంలో ఎవరైనా ఐటీఆర్ రిఫండ్ పొందడానికి 7 రోజుల నుంచి 4 నెలల సమయం పట్టేది. కానీ.. ప్రస్తుతం అందుబాటులోకి వచ్చిన సాంకేతికత కారణంగా కొన్ని రోజుల వ్యవధలోనే పౌరులు తమ ఆదాయ పన్ను రిఫండ్లను పొందుగలుగుతున్నారు.
అయితే.. మీరు ఆదాయ పన్ను పత్రాలు సమర్పించి మీకు రావాల్సిన ఇన్కం ట్యాక్స్ రిఫండ్ను ఇంకా అందుకోకపోతే.. ఇప్పుడే ఆన్లైన్లో సులభంగా మీ రిఫండ్ స్టేటస్ను చెక్ చేసుకోండి. మీ ఆదాయ పన్ను రిఫండ్ ప్రక్రియ ఎంత వరకు ఎచ్చిందో స్టేటస్ ద్వారా మీకు తెలుస్తుంది. మరి, ఏ విధంగా మీ రిఫండ్ స్టేటస్ చెక్ చేసుకోవాలో ఇప్పుడు చూద్దాం.
Income Tax Refund : ఆదాయ పన్ను రిఫండ్ రావాలంటే.. ఇలా చేయండి!
How to Check Income Tax Refund Status in Online :
ఆన్లైన్లో ఇన్కమ్ ట్యాక్స్ రిఫండ్ స్టేటస్ తెలుసుకోవడం ఎలాగో చూద్దాం..
- ముందుగా మీరు ఆదాయ పన్ను శాఖ అధికారిక వెబ్సైట్ https://www.incometax.gov.in/iec/foportal/ ని సందర్శించాలి.
- అనంతరం మీ యూజర్ ఐడీ(పాన్ కార్డు నంబర్), పాస్వర్డ్తో లాగిన్ అవ్వాలి.
- ఆ తర్వాత 'వ్యూ రిటర్న్స్ అండ్ ఫార్మ్స్ 'పై క్లిక్ చేయాలి.
- అప్పుడు ఓపెన్ అయిన పేజీలో 'ఇన్కమ్ ట్యాక్స్ రిటర్న్స్ 'ఆప్షన్ను సెలెక్ట్ చేసుకోవాలి.
- అనంతరం మీ ఐటీఆర్కు సంబంధించి 'అసెస్మెంట్ ఇయర్'ను ఎంచుకొని సబ్మిట్ నొక్కాలి.
- చివరగా మీ ఐటీఆర్ రిఫండ్ స్టేటస్కు సంబంధించి పూర్తి వివరాల కోసం 'ITR Acknowledgment Number'పై క్లిక్ చేయాలి.
- అనంతరం మీ ఐటీఆర్ రిఫండ్ ప్రక్రియ పూర్తి అయ్యిందా? లేదా? అనేది తెలుస్తుంది.
ఈ ప్రక్రియకు అక్నాలెడ్జ్మెంట్ నంబర్ అవసరం.. అది ఎలా తెలుసుకోవాలో చూద్దాం..
How to find Acknowledgement Number in Online : మీరు ఐటీఆర్ ఫైల్ చేసిన తర్వాత మీకు వచ్చే రిసిప్ట్‌లో Acknowledgement Number ఉంటుంది. మీ రిజిస్టర్డ్‌ ఈ-మెయిల్‌ ద్వారా మీ ITR ఫైలింగ్ అయిపోయాక కూడా మీకు అక్నాలెడ్జ్మెంట్ నంబర్ వస్తుంది. ఈ రెండు విధానాల ద్వారా మీ అక్నాలెడ్జ్మెంట్ నంబర్ తెలియకపోతే.. మరో మార్గం కూడా ఉంది. మీరు ఆదాయ పన్ను శాఖ వెబ్సైట్ https://www.incometax.gov.in/iec/foportal/ లోకి లాగిన్ అయి, మీ ఐటీఆర్ రిసిప్ట్‌ డౌన్‌లోడ్ చేసుకోవచ్చు. దానిలో మీకు కావాల్సిన ఐటీఆర్కు సంబంధించిన అక్నాలెడ్జ్మెంట్ నంబర్ ఉంటుంది.
మీకు ఇన్కమ్ ట్యాక్స్ రిఫండ్ జమకాలేదా? అయితే ఏం చేయాలో ఇప్పుడు చూద్దాం..
What To Do If ITR Refund Not Received : మీ బ్యాంకు ఖాతాలో మీ రిఫండ్ డబ్బు జమ అయితే 'రిఫండ్ పెయిడ్' అని చూపిస్తుంది. అదే ఒకవేళ రిఫండ్ అయిన మనీ మీ బ్యాంక్ అకౌంట్లో జమ అయినట్లు చూపించకపోతే, వెంటనే మీ బ్యాంకుని లేదా రిఫండ్ క్లెయిమ్ ప్రాసెస్ చేసే ఎస్బీఐని సంప్రదించవచ్చు. అదేవిధంగా.. ఆదాయ పన్ను శాఖకు కూడా మీరు ఫిర్యాదు చేయవచ్చు. మీ రిఫండ్ ఒకవేళ ఇంకా ప్రాసెసింగ్లోనే ఉన్నట్లయితే.. స్టేటస్ 'ఈ-వెరిఫైడ్' అని మాత్రమే చూపిస్తుంది. ఒక వేళ మీకు ఈ-వెరిఫైడ్ అని కనిపిస్తే.. మీ ట్యాక్స్ రిఫండ్ స్టేటస్ను సులువుగా కింద తెలిపిన విధంగా తెలుసుకోవచ్చు.
మీరు https://tin.tin.nsdl.com/oltas/refundstatuslogin.html అనే లింక్ ద్వారా మీ రిఫండ్ స్టేటస్ (Know ITR Refund Status)ను తెలుసుకోవచ్చు. అయితే.. మొదట మీరు ఈ లింక్ను ఓపెన్ చేసి, అక్కడ అడిగిన విధంగా మీ పాన్ నెంబర్ను ఎంటర్ చేసి.. ఆపై సంబంధిత అసెస్మెంట్ ఇయర్ను సెలక్ట్ చేసుకోవాలి. ఇలా వివరాలు నమోదు చేసి సబ్మిట్ చేయగానే మీకు మీ రిఫండ్ స్టేటస్ గురించి పూర్తి సమాచారం స్క్రీన్పై కనిపిస్తుంది.
ITR Scam : ఐటీ రిఫండ్ స్కామ్లో ఇరుక్కుపోవద్దు.. కేంద్రం హెచ్చరిక!
ITR Filing Process : మొదటిసారిగా ఐటీఆర్ ఫైల్ చేస్తున్నారా?.. ఈ విషయాలు తెలుసుకోండి!
ITR Filing Compulsory : ఆదాయం లేకపోయినా ఐటీ రిటర్నులు తప్పనిసరా?
