బంగారాన్ని హామీగా పెట్టుకుని చాలా బ్యాంక్లు కస్టమర్లకు అప్పులు ఇస్తాయి. బయట తీసుకునే అప్పులతో పోలిస్తే.. బంగారం రుణాలపై బ్యాంక్లు వసూలు చేసే వడ్డీలు చాలా తక్కువగా ఉంటాయి. అంతేకాకుండా బంగారాన్ని హామీగా పెట్టి వీలైనంత త్వరగా బ్యాంక్ను నుంచి రుణాలు పొందవచ్చు. బంగారంపై రుణాలకు కనిష్ఠ డాక్యుమెంటేషన్‌ పక్రియ పూర్తి చేస్తే సరిపోతుంది. ఈ అప్పులపై వడ్డీలు వినియోగదారుడు తీసుకునే మొత్తంపై ఆధారపడి ఉంటాయి. బంగారంపై రుణం కోసం ఆభరణాలను, నాణేలను తాకట్టు పెట్టవచ్చు. 18-22 క్యారెట్ల బంగారు ఆభరణాలను, బ్యాంకు ముద్రించిన బంగారు నాణేలను మాత్రమే హామీగా పెట్టి అప్పు తీసుకోవచ్చు. కాకపోతే బ్యాంకు ముద్రించిన బంగారు నాణేలపై.. ఒక క్లయింట్‌కు 50 గ్రాముల వరకు మాత్రమే అనుమతి ఉంటుంది.
బంగారు రుణాలపై వడ్డీ రేట్లు ఇలా..
- హెచ్డీఎఫ్సీ బ్యాంక్.. బంగారంపై రుణాలకు కనిష్ఠంగా 7.20 శాతం వడ్డీ విధిస్తోంది. గరిష్ఠంగా 11.35 శాతం వడ్డీని వసూలు చేస్తోంది. ఈ బ్యాంక్లో ప్రాసెసింగ్ ఫీజు.. తీసుకున్న రుణ మొత్తంపై 1 శాతం ఉంటుంది.
- కొటక్ మహీంద్రా బ్యాంక్.. బంగారు రుణాలపై కనిష్ఠంగా 8 శాతం వడ్డీని, గరిష్ఠంగా 17 శాతం వరకు వడ్డీని వసూలు చేస్తోంది. ఈ బ్యాంక్లో బంగారు రుణాలపై ప్రాసెసింగ్ ఫీజు.. తీసుకున్న మొత్తంపై 2 శాతంగా ఉంటుంది. దీనికి జీఎస్టీ ఛార్జీలు అదనంగా ఉంటాయి.
- యూనియన్ బ్యాంక్.. బంగారంపై రుణాలకు కనిష్ఠంగా 8.40 శాతం వడ్డీని.. గరిష్ఠంగా 9.65 శాతం వడ్డీని విధిస్తోంది.
- సెంట్రల్ బ్యాంక్ ఆఫ్ ఇండియా.. బంగారంపై తీసుకున్న అప్పులకు కనిష్ఠంగా 8.45 శాతం వడ్డీని, గరిష్ఠంగా 8.55 శాతం వడ్డీని విధిస్తోంది. తీసుకున్న రుణంపై 0.50 శాతం ప్రాసెసింగ్ ఫీజును వసూలు చేస్తోంది.
- యూకో బ్యాంక్లో మాత్రం బంగారం రుణాలపై వడ్డీ రేటు 8.50 శాతం ఉంది. ప్రాసెసింగ్ ఫీజు రూ.250 నుంచి ఐదు వేల వరకు ఉంది.
- స్టేట్ బ్యాంక్ ఆఫ్ ఇండియాలో.. బంగారంపై వడ్డీ రేటు 8.55 శాతంగా ఉంది. ఈ బ్యాంక్లో ప్రాసెసింగ్ ఫీజు.. తీసుకున్న మొత్తంపై 0.50 శాతంగా ఉంటుంది. దీనికి జీఎస్టీ చార్జీలు అదనంగా వసూలు చేస్తారు.
- ఇండస్ ఇండ్ బ్యాంక్.. కనిష్ఠంగా 8.75 శాతం, గరిష్ఠంగా 16 శాతం వడ్డీని బంగారంపై తీసుకున్న అప్పులపై వసూలు చేస్తోంది. ఈ బ్యాంక్లో ప్రాసెసింగ్ ఫీజు తీసుకున్న మొత్తంపై 1 శాతం ఉంటుంది.
- పంజాబ్ అండ్ సింధ్ బ్యాంక్లో బంగారంపై రుణాలకు వడ్డీరేటు 8.85 శాతం ఉంది. రూ.500 నుంచి పది వేల వరకు ప్రాసెసింగ్ ఫీజును వసూలు చేస్తారు.
- ఫెడరల్ బ్యాంక్లో బంగారంపై అప్పులకు 8.89 శాతం వడ్డీ రేటు ఉంటుంది. పంజాబ్ నేషనల్ బ్యాంక్లో ఈ వడ్డీ రేటు 9 శాతంగా ఉంది. ఈ బ్యాంక్లో రుణ మొత్తంపై 0.75 శాతం ప్రాసెసింగ్ ఫీజు ఉంటుంది.
