Floating Rate Savings Bonds : రిటైల్ ఇన్వెస్టర్లకు గుడ్ న్యూస్. ఆర్బీఐ చెందిన రిటైల్ డైరెక్ట్ పోర్టల్లో.. ఇకపై రిటైల్ ఇన్వెస్లర్లు కూడా నేరుగా 'ఫ్లోటింగ్ రేట్ సేవింగ్స్ బాండ్స్, 2020' కొనుగోలు చేయడానికి అవకాశం వచ్చింది.
పెట్టుబడి అవకాశాలు!
RBI Retail Direct Scheme : ప్రధానమంత్రి నరేంద్ర మోదీ 2021 నవంబర్ 12న ఆర్బీఐ రిటైల్ డైరెక్ట్ స్కీమ్ను ప్రారంభించారు. రిటైల్ ఇన్వెస్టర్లకు పెట్టుబడి అవకాశాలను మరింత సులభతరం చేసేందుకు ఈ పథకాన్ని ప్రారంభించడం జరిగింది. రిటైల్ ఇన్వెస్టర్లు ఈ స్కీమ్లో చేరాలంటే.. ముందుగా ఆర్బీఐ డైరెక్ట్ పోర్టల్లో ఖాతా తెరవాల్సి ఉంటుంది. ఒకసారి ఈ ఖాతా తెరచిన తరువాత.. ప్రైమరీ, సెకండరీ మార్కెట్ల్లోని ప్రభుత్వ సెక్యూరిటీల్లో రిటైల్ ఇన్వెస్టర్లు నేరుగా మదుపు చేసుకోవచ్చు.
ఇన్వెస్ట్మెంట్ ఆప్షన్స్!
RBI Portal Investment Options : ఇప్పటి వరకు రిటైల్ ఇన్వెస్టర్లు.. ఆర్బీఐకు చెందిన రిటైల్ డైరెక్ట్ పోర్టల్ ద్వారా.. కేంద్ర ప్రభుత్వ సెక్యూరిటీలు, ట్రెజరీ బిల్లులు, రాష్ట్ర ప్రభుత్వ సెక్యూరిటీలు, సావరిన్ గోల్డ్ బాండ్లను కొనుగోలు చేయగలుగుతున్నారు. ఇప్పుడు ఈ జాబితాలో ఫ్లోటింగ్ బాండ్లను కూడా చేర్చడం జరిగింది.
కాలపరిమితి ఎంత?
Floating Rate Savings Bonds 2020 Time Limit : రిటైల్ డైరెక్ట్ పోర్టల్లో అందించే ఉత్పత్తులను మరింత విస్తరించాలనే ఉద్దేశంతోనే.. ఆర్బీఐ తాజాగా 'ఫ్లోటింగ్ రేట్ సేవింగ్స్ బాండ్స్' సబ్స్క్రిప్షన్ను అందుబాటులోకి తెచ్చింది. ఈ బాండ్ల కాలపరిమితి 7 ఏళ్లు. అంటే ఒకసారి ఇన్వెస్ట్ చేసిన తరువాత.. కచ్చితంగా 7 ఏళ్ల పాటు ప్రతిఫలం కోసం వేచిచూడాల్సి ఉంటుంది.
ఎంత ఇన్వెస్ట్ చేయవచ్చు?
Floating Rate Savings Bonds 2020 Investment Limit : ఇన్వెస్టర్లు కనిష్ఠంగా రూ.1000 పెట్టుబడి పెట్టవచ్చు. అయితే గరిష్ఠ పెట్టుబడి మొత్తంపై ఎలాంటి పరిమితి లేదు. ఇక్కడ గుర్తించుకోవాల్సిన అంశం ఏమిటంటే.. ఈ బాండ్ల పెట్టుబడి, ఆదాయాలపై పన్ను చెల్లించాల్సి ఉంటుంది.
వడ్డీ రేట్లు ఎలా ఉంటాయి?
Floating Rate Savings Bonds 2020 Interest Rate : ఈ ఫ్లోటింగ్ రేట్ సేవింగ్స్ బాండ్ల వడ్డీ రేట్లు ఎప్పుడూ స్థిరంగా ఉండవు. వాస్తవానికి ఈ బాండ్స్ వడ్డీ రేట్లు అనేవి.. నేషనల్ సేవింగ్స్ స్కీమ్తో ముడిపడి ఉంటాయి. అయితే ఈ బాండ్లకు.. NSC స్కీమ్ అందించే వడ్డీ రేట్ల కంటే 0.35 శాతం అదనంగా వడ్డీ లభిస్తుంది. ప్రస్తుతానికి ఈ బాండ్లపై 7.70% + 0.35% = 8.05% వడ్డీ అందిస్తున్నారు. ఏడేళ్లపాటు డబ్బులతో అవసరం లేనివాళ్లు.. ఫిక్స్డ్ డిపాజిట్లకు ప్రత్యామ్నాయంగా ఈ ఫ్లోటింగ్ రేట్ సేవింగ్స్ బాండ్లపై ఇన్వెస్ట్ చేయవచ్చు.
EPF Advance For Marriage : పెళ్లి కోసం డబ్బులు కావాలా?.. ఈపీఎఫ్ అడ్వాన్స్ పొందండిలా!
