హార్లీ డేవిడ్సన్​ బంపరాఫర్​ పండగ వేళ ఆ మోడళ్లపై 5 లక్షల దాకా డిస్కౌంట్

Festive Offers 2023 On Harley Davidson Bikes: ఏదైనా ద్విచక్ర వాహనాన్ని కొనుగోలు చేయడానికి పండుగ సీజన్ బెస్ట్​ టైమ్. ఈ సమయంలో తయారీదారులు డిస్కౌంట్లు ప్రకటిస్తాయి. ఈ లిస్ట్​లోకి హై ఎండ్​ బైక్​ హార్లీ-డేవిడ్సన్ కూడా వచ్చేసింది. ఫెస్టివల్​ సీజన్​ నేపథ్యంలో.. హార్లీ డేవిడ్సన్​కు చెందిన 4 మోడళ్లపై అద్భుతమైన ఆఫర్లను ప్రకటించారు మేకర్స్. ఆ వివరాలు మీ కోసం..

Festive Offers 2023 On Harley Davidson Bikes: యువతకు బైక్స్​ అంటే ఎంత ఇష్టమో ప్రత్యేకంగా చెప్పాల్సిన పనిలేదు. అందులోనూ ప్రీమియం బైకులపై ఎడతెగని మోజు. ఆ లిస్టులో.. హార్లీ డేవిడ్సన్ బ్రాండ్​ కచ్చితంగా ఉంటుంది. ప్రపంచ రోడ్లపై దూసుకెళ్లే.. హై ఎండ్ బైక్ లలో ఇది ముందు వరసలో ఉంటుంది. విశ్వవ్యాప్తంగా గుర్తింపు సాధించిన ఈ బ్రాండ్​ ధర కూడా అధికంగానే ఉంటుంది. మరి ఇంత రేంజ్​లో ఉన్న ఈ బైక్​లు ఆఫర్​లో లభిస్తే..? అవును మీరు విన్నది నిజమే.. పండుగ సీజన నేపథ్యంలో హార్లీ డేవిడ్సన్ తన కంపెనీకి చెందిన నాలుగు మోడళ్లపై అద్భుతమైన ఆఫర్లను ప్రకటించింది. కంపెనీ తన నాలుగు మోడళ్లపై సుమారు రూ.5.30 లక్షల వరకు గణనీయమైన తగ్గింపులను అందిస్తోంది. ఈ ఆఫర్లు 2023 మోడల్స్‌కు మాత్రమే చెల్లుతాయి. ఆ వివరాలు ఈ కథనంలో తెలుసుకుందాం.

Harley Davidson Pan America 1250 Special (2023): హార్లీ డేవిడ్సన్​ Pan America 1250 మోడల్​ ప్రస్తుత (ఎక్స్​ షోరూమ్​) ధర రూ. 24 లక్షల 49 వేలుగా ఉంది. పండుగ ఆఫర్​లో ఇది 21 లక్షల 24 వేల రూపాయలకు లభిస్తోంది. అంటే సుమారు 3 లక్షల 25వేల రూపాయలు తగ్గింపు ఉంది.

• ఈ బైక్​లో 'రివల్యూషన్ మ్యాక్స్' 1252cc సామర్థ్యం కలిగిన లిక్విడ్-కూల్డ్, V-ట్విన్ ఇంజన్ ఉంటుంది.
• దీనిని 6-స్పీడ్ గేర్‌బాక్స్‌తో జత చేశారు.
• ఈ ఇంజన్ గరిష్ఠంగా 152hp శక్తిని అలాగే 128Nm గరిష్ట టార్క్‌ను విడుదల చేస్తుంది.

Harley Davidson Sportster S: హార్లీ డేవిడ్సన్ స్పోర్ట్‌స్టర్ ఎస్ మోడల్ బైక్ ప్రస్తుత (ఎక్స్​ షోరూమ్​) ధర.. రూ.18 లక్షల 79 వేల రూపాయలు కాగా.. పండుగ ఆఫర్​లో ఇది కేవలం 15 లక్షల 54వేలకు అందుబాటులో ఉంది. అంటే సుమారు 3 లక్షల 25వేల రూపాయలు తగ్గింపు ఉంది.

• ​ఈ బైక్.. కౌంటర్ బ్యాలెన్స్డ్ రివల్యూషన్ మ్యాక్స్ 1250 లిక్విడ్-కూల్డ్ వి-ట్విన్ ఇంజన్‌గా ఉపయోగిస్తుంది.
• ఈ కొత్త స్పోర్ట్‌స్టర్ ఎస్ బైక్ లోని 60-డిగ్రీల v-ట్విన్ ఇంజన్.. చిన్న వాల్వ్‌లు, పోర్ట్‌లతో విభిన్నమైన ఇంటర్నల్‌తోపాటు కంబషన్ ఛాంబర్, పిస్టన్ ఆకారాలను కలిగి ఉంటుంది.
• హార్లీ డేవిడ్సన్ స్పోర్ట్‌స్టర్ ఎస్ బైక్ కోసం రీట్యూన్ చేయబడిన ఈ ఇంజన్‌కి రివల్యూషన్ మ్యాక్స్ 1250 టి అనే పేరు పెట్టారు.
• ఈ ఇంజన్ గరిష్ఠంగా 7,500 ఆర్‌పిఎమ్ వద్ద 121 బీహెచ్‌పీ శక్తిని, అలాగే 6,000 ఆర్‌పిఎమ్ వద్ద 125 ఎన్ఎమ్ గరిష్ఠ టార్క్‌ను ఉత్పత్తి చేస్తుంది.
• ఈ ఇంజన్ 6- స్పీడ్ మాన్యువల్ ట్రాన్స్‌మిషన్‌తో జత చేయబడి ఉంటుంది.

Harley Davidson Nightster: హార్లీ డేవిడ్సన్​ ​నైట్‌స్టర్ మోడల్.. ప్రస్తుత (ఎక్స్​ షోరూమ్​) ధర రూ.17 లక్షల 63వేలు కాగా.. పండుగ ఆఫర్​లో 12 లక్షల 99 వేల రూపాయలుగా ఉంది. అంటే సుమారు 4 లక్షల 64 వేల రూపాయల తగ్గింపు ఉంది.

• దీన్ని 6-స్పీడ్ గేర్‌బాక్స్‌తో అనుసంధానించారు.
• 975cc, లిక్విడ్-కూల్డ్, V-ట్విన్ రివల్యూషన్ మ్యాక్స్ ఇంజిన్ ఉంది.
• 7,500 rpm వద్ద గరిష్ఠంగా 90hp శక్తిని, 5,000rpm వద్ద 95Nm గరిష్ఠ టార్క్‌ను ఉత్పత్తి చేస్తుంది.
• భారతదేశంలో హార్లీ-డేవిడ్సన్ 2022 నైట్‌స్టర్ మోడల్ వివిధ బ్లాక్‌లో అందుబాటులో ఉంది.

Harley Davidson Nightster Special: హార్లీ డేవిడ్సన్ నైట్‌స్టర్ స్పెషల్: హార్లీ డేవిడ్సన్​ నైట్‌స్టర్ స్పెషల్​ ప్రస్తుత (ఎక్స్​ షోరూమ్​) ధర 18 లక్షల 29వేల రూపాయలు కాగా, పండుగ ఆఫర్​లో 12 లక్షల 99 వేలకు అందుబాటులో ఉంది. అంటే సుమారు 5 లక్షల 30 వేల రూపాయల తగ్గింపు లభిస్తోంది.