Overall Apple Subscribers Count : అమెరికాకు చెందిన ప్రముఖ ఎలక్ట్రానిక్ ఉత్పత్తుల తయారీ సంస్థ యాపిల్ సరికొత్త రికార్డును నెలకొల్పింది. ప్రపంచవ్యాప్తంగా తాము అందిస్తున్న అన్ని సేవలకు కలిపి 100 కోట్ల(1 బిలియన్)కు పైగా పెయిడ్ సబ్స్క్రిప్షన్లను సాధించినట్లు ఆ సంస్థ వెల్లడించింది. గత 12 నెలల్లో ఏకంగా 15 కోట్ల (150 మిలియన్) మంది కొత్త సబ్స్క్రైబర్లు ఈ జాబితాలో చేరారని తెలిపింది. కేవలం మూడు సంవత్సరాల్లోనే తమ సబ్స్క్రైబర్ల సంఖ్య రెట్టింపు అయిందని యాపిల్ చెప్పింది. కాగా, 2020లో ఈ సంఖ్య 500 కోట్లుగా ఉంది.
Apple Company Overall Subscribers : ప్రపంచవ్యాప్తంగా యాపిల్ యాక్టివ్ యూజర్స్ అత్యంత వేగంగా పెరుగుతన్నారని.. ఇది భవిష్యత్లో తమ సంస్థ తయారు చేసే ఎకోసిస్టమ్ ప్రోడక్ట్ మరింత విస్తరించేందుకు దోహదపడుతుందని ఐఫోన్ కంపెనీ తెలిపింది. కాగా, ప్రస్తుతానికి యాపిల్కు 2 బిలియన్(200 కోట్లు)కుపైగా యాక్టివ్ యూజర్స్ ఉన్నారు. అయితే 1 బిలియన్ పెయిడ్ సబ్స్క్రిప్షన్స్తో తమ కంపెనీ ఆల్-టైమ్-హై రికార్డు ఆదాయాన్ని ఆర్జించిందని.. ఇది తాము అందించిన మెరుగైన సేవలతోనే సాధ్యమైందని యాపిల్ సీఈఓ టిమ్ కుక్ అన్నారు.
"మా సేవల కారణంగా పెరిగిన పెయిడ్ సబ్స్క్రిప్షన్స్ను మేము చూస్తున్నాము. మా లావాదేవీలు, చెల్లింపులు రెండూ కూడా ప్రతి ఏడు మెరుగైన వృద్ధిని నమోదు చేస్తూ వస్తున్నాయి. ప్రతిదీ ఆల్-టైమ్-హైగా నిలుస్తున్నాయి. ఈ మా పెయిడ్ సబ్స్క్రిప్షన్స్ సంస్థ బలమైన వృద్ధిని తెలియజేస్తున్నాయి."
- లుకా మాస్త్రీ, యాపిల్ సీఎఫ్ఓ
'యాపిల్ ఆర్కేడ్‌లో 20 కొత్త గేమ్‌ల నుంచి యాపిల్ టీవీ ప్లస్లో సరికొత్త కంటెంట్ వరకు మేము అందిస్తున్న ప్రతిదీ మా వినియోగదారులు ఆదరిస్తున్నారు. అందుకే యాపిల్ కార్డ్ ద్వారా ఇంత పెద్ద మొత్తంలో సబ్స్క్రిప్షన్స్ నమోదయ్యాయి' అని లుకా మాస్త్రీ చెప్పారు.
వచ్చే ఏడాదే 'యాపిల్ విజన్ ప్రో'..
Apple Vision Pro Release Date : సాంకేతికత రంగంలో విప్లవాత్మకమైన మార్పులు తెచ్చేందుకు తాము ఎప్పుడూ ముందుంటామని టిమ్ కుక్ అన్నారు. ఇందులో భాగంగానే ఎవరూ తయారు చేయని 'యాపిల్ విజన్ ప్రో' ప్రోడక్ట్ను లాంఛ్ చేయనున్నట్లు తెలిపారు. వచ్చే ఏడాదే దీన్ని అందుబాటులోకి తెస్తామని ఆయన స్పష్టం చేశారు. ఇది దశాబ్దాల పరిశోధనల ఫలితం అని.. దీనిని తయారు చేయడం కేవలం యాపిల్తోనే సాధ్యమైందని, ఈ డివైజ్ ఇంజినీరింగ్లోనే ఒక గొప్ప అద్భుతం అని యాపిల్ సీఈఓ వివరించారు. లాంఛ్కు ముందే ఈ డివైజ్ను అందరూ కొనియాడుతున్నారని టిమ్ కుక్ తెలిపారు.
