చైనా మల్టీనేషనల్ కంపెనీ అయినా అలీబాబా.. భారత్ నుంచి పూర్తిగా వైదొలగింది. సంస్థకున్న మొత్తం షేర్లను పేటీఎం మాతృసంస్థ అయిన వన్97 కమ్యూనికేషన్స్ లిమిటెడ్కు అమ్మినట్లు సంబంధిత వర్గాలు పేర్కొన్నాయి. శుక్రవారం జరిగిన డీల్తో ఈ ప్రక్రియ పూర్తయినట్లు వెల్లడించాయి. అలీబాబాకు చెందిన 3.16 శాతం డైరెక్ట్‌ వాటాను బ్లాక్‌ డీల్‌లో దాదాపు 13,600 కోట్ల రూపాయలకు విక్రయించినట్లు తెలిపాయి.
డిసెంబర్ 2022 నాటికి అలీబాబా కంపెనీ పేటీఎమ్లో 6.26 శాతం ప్రత్యక్ష వాటాలను కలిగి ఉంది. అందులో జనవరిలో 3.1 శాతం వాటాను విక్రయించగా మిగిలిన 3.16 శాతం శుక్రవారం విక్రయించింది. ఈ డీల్తో అలీబాబా కంపెనీ పూర్తిగా భారత్ నుంచి తరలివెళ్లనుంది. గతంలో కూడా జొమాటో, బిగ్‌బాస్కెట్‌లో తన వాటాలను అలీబాబా కంపెనీ విక్రయించింది.
గత కొద్ది రోజులుగా పేటీఎం షేర్ల విలువ పెరుగుతూ వస్తోంది. రుణాలు, ఇతర కీలక చెల్లింపుల్లో వృద్ధిని కొనసాగిస్తోంది.
