దేశీయ స్టాక్ మార్కెట్లు బుధవారం నష్టాలతో ముగిశాయి. బొంబాయి స్టాక్ ఎక్స్ఛేంజి సూచీ- సెన్సెక్స్ 171 పాయింట్లు క్షీణించి 38,194 పాయింట్ల వద్ద స్థిరపడింది.
జాతీయ స్టాక్ ఎక్స్ఛేంజి సూచీ- నిఫ్టీ 39 పాయింట్లు నష్టపోయి 11,278 పాయింట్లకు పడిపోయింది.
ఆస్ట్రాజెనెకా వ్యాక్సిన్ క్యాండిడేట్ ట్రయల్స్ తాత్కాలికంగా నిలిచిపోవటం వల్ల అంతర్జాతీయ స్టాక్ మార్కెట్లు భారీగా నష్టపోయాయి. ఈ ప్రభావం దేశీయ మార్కెట్లపై పడింది.
ప్రభుత్వ రంగం బ్యాంకులు.. ముఖ్యంగా ఎస్బీఐ షేర్ల అమ్మకాలు భారీగా జరిగాయి. ఎస్బీఐ షేర్లు 4 శాతం మేర క్షీణించాయి.
లాభనష్టాల్లో...
టాటాస్టీల్, రిలయన్స్, సన్ఫార్మా, భారతి ఎయిర్టెల్, నెస్లే, ఏషియన్ పెయింట్స్ షేర్లు రాణించాయి.
ఎస్బీఐ, బజాజ్ఫిన్సర్వ్, యాక్సిస్బ్యాంక్, ఓఎన్జీసీ, ఐటీసీ, బజాజ్ ఫైనాన్స్, ఐసీఐసీఐ బ్యాంకు షేర్లు నష్టపోయాయి.
అంతర్జాతీయ మార్కెట్లు...
షాంఘై, జపాన్, దక్షిణ కొరియా, హాంకాంగ్ సహా ఆసియా మార్కెట్లన్నీ నష్టాల్లో ముగిశాయి.
ఐరోపా మార్కెట్లు మిడ్ సెషన్ సమయానికి స్వల్ప లాభాల్లో ఉన్నాయి.
ఇదీ చూడండి: రిలయన్స్లో సిల్వర్ లేక్ రూ.7,500 కోట్ల పెట్టుబడులు
