దేశీయ స్టాక్ మార్కెట్లు భారీ నష్టాల్లో కొనసాగుతున్నాయి. 411 పాయింట్లు కోల్పోయిన సెన్సెక్స్ 40,644 వద్ద కొనసాగుతోంది. నిఫ్టీ కూడా 128 పాయింట్ల మేర నష్టపోయింది.
కరోనా వైరస్ మృతుల సంఖ్య పెరుగుతున్న కారణంగా ఆసియా మార్కెట్లు కుదేలయ్యాయి. ఈ ప్రభావం దేశీయ మార్కెట్లపై పడింది. మరోవైపు ఏజీఆర్ బకాయిలకు సంబంధించి సుప్రీం కోర్టు ఆదేశాలతో మదుపరుల సెంటిమెంట్ దెబ్బతింది.
వొడాఫోన్ షేర్లు..
వొడాఫోన్ ఐడియా షేర్లు భారీగా పడిపోయాయి. సంస్థకు 'కేర్' రేటింగ్స్ తగ్గించిన నేపథ్యంలో 16 శాతం షేర్లు నష్టపోయాయి. ఇందుకు ఏజీఆర్ బకాయిలతోపాటు సంస్థకు సంబంధించిన మరిన్ని సమస్యలు ప్రభావం చూపాయి.
