లోహ, ఫార్మా షేర్ల దన్నుతో సోమవారం స్టాక్ మార్కెట్లు రాణించాయి. సెన్సెక్స్ 296 పాయింట్లు పుంజుకుని 49,502 పాయింట్ల వద్ద స్థిరపడింది. మరో సూచీ నిఫ్టీ 119 పాయింట్ల లాభంతో.. 14,942 వద్ద ముగిసింది. దేశవ్యాప్తంగా లాక్డౌన్ ఉండదనే ధీమాకు తోడు.. అంతర్జాతీయ సానుకూలతలు లాభాలకు కారణమని విశ్లేషకులు అభిప్రాయపడ్డారు. అలాగే.. ఈక్విటీ మార్కెట్ల మెరుగైన పనితీరు, మార్చి త్రైమాసిక ఆదాయాలు మార్కెట్లకు లాభాలు తెచ్చిపెట్టినట్లు వివరించారు.
ఇంట్రాడే సాగిందిలా..
బొంబాయి స్టాక్ ఎక్సేంజీ సూచీ 49,412 పాయింట్ల వద్ద కనిష్ఠాన్ని.. 49,617 పాయింట్ల గరిష్ఠాన్ని నమోదు చేసింది. జాతీయ స్టాక్ ఎక్స్చేంజీ సూచీ-నిఫ్టీ 14,892 పాయింట్ల అత్యల్ప స్థాయిని, 14,967 పాయింట్ల గరిష్ఠాన్ని తాకింది.
లాభనష్టాల్లోనివి..
ఎల్ అండ్ టీ, డాక్టర్ రెడ్డీస్, సన్ ఫార్మా, ఎన్టీపీసీ, పవర్గ్రిడ్, ఓఎన్జీసీ ఐటీసీ, టీసీఎస్, ఎస్బీఐఎన్, భారతీ ఎయిర్టెల్, అదానీ పోర్ట్, ఎంఅండ్ఎం లాభాలతో ముగిశాయి.
అల్ట్రాటెక్ సిమెంట్, ఇన్ఫోసిస్, రిలయన్స్, హెచ్సీఎల్ టెక్, ఏషియన్ పెయింట్స్ ష్టాలను మూటగట్టుకున్నాయి.
