Stock market: స్టాక్ మార్కెట్లపై బేర్ పంజా- సెన్సెక్స్ 600 డౌన్ - షేర్ మార్కెట్ అప్డేట్స్

స్టాక్ మార్కెట్ లైవ్

Published : Dec 17, 2021, 9:31 AM IST

Updated : Dec 17, 2021, 1:13 PM IST

13:07 December 17

నష్టాల్లోనే సూచీలు

స్టాక్మార్కెట్లు నష్టాల్లో కొనసాగుతున్నాయి. అంతర్జాతీయ ప్రతికూల పవనాలు, ఆసియా మార్కెట్లు నష్టాల్లో ట్రేడవుతుండటం మదుపర్ల సెంటిమెంట్ను దెబ్బతీసింది. వీటితో పాటు ఆటో, రియాల్టీ, బ్యాంకింగ్ రంగ షేర్లు అమ్మకాల ఒత్తిడితో డీలా పడ్డాయి. ఫలితంగా సూచీలు నేల చూపులు చూస్తున్నాయి.

బీఎస్ఈ-సెన్సెక్స్ 600 పాయింట్లకుపైగా కోల్పోయింది. ప్రస్తుతం 57,254 వద్ద ట్రేడవుతోంది. మరో సూచీ నిఫ్టీ 198 పాయింట్లు పతనమై.. 17,050 వద్ద కదలాడుతోంది.

సెన్సెక్స్ 30 సూచీలో ఇన్ఫోసిస్, హెసీఎల్టెక్, టీసీఎస్, సన్ఫార్మా, పవర్గ్రిడ్ మినహా మిగిలినవి నష్టాల్లోనే కొనసాగుతున్నాయి.

10:15 December 17

దేశీయ స్టాక్మార్కెట్ సూచీలు భారీ నష్టాల్లో ట్రేడవుతున్నాయి. బీఎస్ఈ-సెన్సెక్స్ 600 పాయింట్లకుపైగా కోల్పోయి.. 57,298 వద్ద కదలాడుతోంది. మరో సూచీ నిఫ్టీ 193 పాయింట్లు పతనమై.. 17,055 వద్ద కొనసాగుతోంది.

ఐటీ షేర్లు మినహా దాదాపు అన్ని రంగాల షేర్లు నష్టాల్లోనే ట్రేడవుతున్నాయి.

కారణాలివే..!

అమెరికా మార్కెట్లు గురువారం నష్టాలతో ముగిశాయి.
నేడు ఆసియా మార్కెట్లు మిశ్రమంగా ట్రేడవుతున్నాయి.
దేశీయ మార్కెట్ల నుంచి విదేశీ సంస్థాగత మదుపర్ల పెట్టుబడుల ఉపసంహరణ కొనసాగుతోంది.
ప్రపంచవ్యాప్తంగా ద్రవ్యోల్బణం పెరగడం ఇప్పుడు మదుపర్లను కలవరపెడుతోంది.
అమెరికా ఫెడ్‌ వచ్చే ఏడాది వడ్డీరేట్లను పెంచుతామని ప్రకటించడం.

ఈ పరిణామాల నేపథ్యంలోనే మదుపర్లు అప్రమత్తంగా వ్యవహరిస్తున్నారు. దీంతో సూచీలు డీలా పడ్డాయి.

09:02 December 17

స్టాక్ మార్కెట్ లైవ్ అప్డేట్స్

స్టాక్ మార్కెట్లు వారాంతం సెషన్ను ఫ్లాట్గా ప్రారంభించాయి. ఒమిక్రాన్ భయాలు, అంతర్జాతీయ మార్కెట్ల నుంచి ప్రతికూల పవనాలతో దేశీయ సూచీలు నష్టాల్లో కొనసాగుతున్నాయి.

బీఎస్ఈ-సెన్సెక్స్ (Sensex today) 200 పాయింట్లు నష్టపోయి.. 57,700 వద్ద ట్రేడవుతోంది. ఎన్ఎస్ఈ-నిఫ్టీ (Nifty today) 78 పాయింట్లు కోల్పోయి.. 17,169 వద్ద కొనసాగుతోంది.

సెన్సెక్స్ 30 సూచీలో ఇన్ఫోసిస్, హెచ్సీఎల్టెక్, టీసీఎస్, టెక్ మహీంద్రా, డాక్టర్ రెడ్డీస్, ఎన్టీపీసీ ప్రధానంగా లాభాల్లో ఉన్నాయి.

13:07 December 17

నష్టాల్లోనే సూచీలు