దేశీయ స్టాక్ మార్కెట్లు సోమవారం లాభాలతో ముగిశాయి. బీఎస్ఈ సెన్సెక్స్ 230 పాయింట్లు లాభపడి 52,574 ముగిసింది. ఎన్ఎస్ఈ నిఫ్టీ 63 పాయింట్లు పెరిగి 15,746 వద్ద స్థిరపడింది.
ఉదయం నష్టాలతో ప్రారంభమైన సూచీలు క్రమంగా పుంజుకుని లాభాల బాట పట్టాయి. ప్రభుత్వ రంగ బ్యాంకుల షేర్లు సహా రిలయన్స్ ఇండస్ట్రీస్, హెచ్డీఎఫ్సీ, హెచ్డీఎఫ్సీ బ్యాంక్ షేర్లు సూచీలు పుంజుకోవడంలో కీలక పాత్ర పోషించాయి. ఆటో, ఐటీ మినహా ఇతర కీలక రంగాలు కోలుకోవడం మార్కెట్ను లాభాలబాట పట్టేలా చేశాయి. స్మాల్క్యాప్, మిడ్క్యాప్ షేర్లను కొనుగోలు చేసేందుకు మదుపర్లు ఆసక్తి కనబరిచారు.
ఇంట్రాడే సాగిందిలా..
సెన్సెక్స్ 52,629 పాయింట్ల అత్యధిక స్థాయిని.. 51,740 పాయింట్ల అత్యల్ప స్థాయిని నమోదు చేసింది.
నిఫ్టీ 15,765 పాయింట్ల గరిష్ఠ స్థాయి.. 15,505 పాయింట్ల కనిష్ఠ స్థాయిల మధ్య కదలాడింది.
లాభనష్టాల్లోనివి షేర్లు..
అదానీపోర్ట్స్, ఎన్టీపీసీ, బజాజ్ ఫిన్సర్వ్, టైటాన్, ఎస్బీఐఎన్ లాభాలను గడించాయి.
యూపీఎల్, విప్రో, టాటా మోటార్స్, మారుతీ, టెక్ మహీంద్రా షేర్లు నష్టాలను చవిచూశాయి.
