దేశీయ స్టాక్మార్కెట్లో నష్టాల పరంపర కొనసాగుతోంది. బీఎస్ఈ సెన్సెక్ 151.22 పాయింట్లు కోల్పోయి 37 వేల 246 వద్ద కొనసాగుతోంది. నేషనల్ స్టాక్ ఎక్స్ఛేంజి సూచీ-నిఫ్టీ 46 పాయింట్లు నష్టపోయి 11 వేల 38 వద్ద ట్రేడవుతోంది.
అమెరికా-చైనా వాణిజ్య చర్చలు తిరిగి ప్రారంభమైనా హాంగ్కాంగ్ విషయంలో రెండు దేశాల మధ్య ఉద్రిక్తతలు నెలకొనడం మదుపర్ల సెంటిమెంట్ను దెబ్బతీసింది. యూఎస్ ఫెడరల్ రిజర్వ్ సమావేశం ఫలితాల కోసం మదుపరులు వేచిచూడడం, విదేశీ పెట్టుబడుల ఉపసంహరణ కొనసాగడం... నష్టాలకు కారణమయ్యాయి.
లాభాల్లో
ఎస్ బ్యాంకు, ఇండస్ఇండ్ బ్యాంకు, సన్ఫార్మా, హీరో మోటోకార్ప్, టాటా స్టీల్ లాభాల్లో కొనసాగుతున్నాయి.
నష్టాల్లో
టెక్మహీంద్ర, యాక్సెస్ బ్యాంకు, బ్రిటానియా, సిప్లా, ఇన్ఫోసిస్, టీసీఎస్, ఐటీసీ, హెచ్సీఎల్ టెక్ నష్టాల్లో ట్రేడవుతున్నాయి.
నష్టాల్లో ఆసియా మార్కెట్లు
షాంఘై కాంపోజిట్, హాంగ్సెన్, నిక్కీ, కోస్పీలు నష్టాల్లో కొనసాగుతున్నాయి.
తగ్గిన రూపాయి విలువ
యూఎస్ డాలర్తో పోల్చుకుంటే రూపాయి విలువ 5 పైసలు తగ్గి, రూ.68.90గా ఉంది.
పెరిగిన ముడిచమురు ధర
అంతర్జాతీయ మార్కెట్లో ముడిచమురు ధర 0.68 శాతం పెరిగి బ్యారెల్ 65.06 డాలర్లుగా ఉంది.
ఇదీ చూడండి: కాఫీడే సిద్ధార్థ మృతి- నది ఒడ్డున మృతదేహం
