స్టాక్ మార్కెట్లు (stock market news)గురువారం ఫ్లాట్గా ముగిశాయి. బీఎస్ఈ సెన్సెక్స్(sensex today) 5 పాయింట్లు పెరిగి 55,949 వద్ద స్థిరపడింది. మరో సూచీ నిఫ్టీ(nifty today) 2 పాయింట్లను పుంజుకొని 16,637కు చేరింది. ఒకానొక దశలో సెన్సెక్స్ 56 వేల మార్కును చేరింది.
ఆగస్టు కాంట్రాక్ట్ల ముగింపు నేపథ్యంలో.. మదుపరులు ఆచితూచి అడుగులు వేశారు. ఆసియా మార్కెట్ల నుంచి ప్రతికూలతలు ఇందుకు తోడయ్యాయి. దీంతో సూచీలు ఫ్లాట్గా ముగిశాయి.
ఇంట్రాడే సాగిందిలా..
సెన్సెక్స్ 56,112 పాయింట్ల అత్యధిక స్థాయిని, 55,854 పాయింట్ల అత్యల్ప స్థాయిని నమోదు చేసింది.
నిఫ్టీ 16,684 పాయింట్ల గరిష్ఠ స్థాయి, 16,603 పాయింట్ల కనిష్ఠ స్థాయిల మధ్య కదలాడింది.
లాభనష్టాల్లోనివి షేర్లు..
రిలయన్స్, మహీంద్ర అండ్ మహీంద్ర, హెచ్సీఎల్ టెక్, ఐసీఐసీఐ బ్యాంక్, యాక్సిస్ బ్యాంక్, నెస్లే షేర్లు లాభాలను గడించాయి.
భారతీ ఎయిర్టెల్, మారుతి, పవర్గ్రిడ్, ఎస్బీఐ, డాక్టర్ రెడ్డీస్, ఎన్టీపీసీ, టాటా స్టీల్ షేర్లు నష్టాలు చవిచూశాయి.
