స్టాక్మార్కెట్లు స్వల్ప నష్టాల్లో ట్రేడవుతున్నాయి. బొంబాయి స్టాక్ ఎక్స్చేంజి సూచీ-సెన్సెక్స్ 80 పాయింట్లు తగ్గి 37వేల 800 వద్ద కొనసాగుతోంది. జాతీయ స్టాక్ ఎక్స్చేంజి సూచీ-నిఫ్టీ 40 పాయింట్ల నష్టంతో 11 వేల 245 వద్ద ట్రేడవుతోంది.
ఇవీ కారణాలు...
ఆసియా విపణులు నష్టాల్లో ప్రారంభం కావడం దేశీయ మార్కెట్లపై ప్రతికూల ప్రభావం చూపింది. విదేశీ పెట్టుబడుల ఉపసంహరణ నష్టాలకు మరో కారణం.
లాభనష్టాల్లో...
ఐసీఐసీఐ బ్యాంక్, హెచ్సీఎల్ టెక్, టెక్ మహీంద్రా, టీసీఎస్, ఇన్ఫోసిస్, ఇండస్ ఇండ్ బ్యాంక్, కోటక్ బ్యాంక్, హెచ్యూఎల్, యాక్సిస్ బ్యాంక్ లాభాల్లో ట్రేడవుతున్నాయి.
ఎం అండ్ ఎం, టాటా మోటర్స్, ఎస్బీఐ, యెస్ బ్యాంక్, టాటా స్టీల్, ఏషియన్ పెయింట్స్, ఐటీసీ, మారుతీ, హీరో మోటోకార్ప్, బజాజ్ ఆటో నష్టాల్లో ఉన్నాయి.
రూపాయి... ముడి చమురు...
రూపాయి విలువ 4 పైసలు తగ్గి డాలరుతో పోల్చితే రూ. 68.93గా ఉంది.
ముడి చమురు ధరల సూచీ- బ్రెంట్ 0.32శాతం తగ్గింది. బ్యారెల్ ముడి చమురు ధర 63.26 డాలర్లుగా ఉంది
