ఘనంగా కొత్త సంవత్ ప్రారంభం- మూరత్ ట్రేడింగ్లో భారీ లాభాలు - Muhurat Trading live updates

'మూరత్‌ ట్రేడింగ్‌'

Published : Nov 4, 2021, 6:12 PM IST

Updated : Nov 4, 2021, 8:22 PM IST

19:26 November 04

మూరత్ ట్రేడింగ్లో ప్రత్యేక అతిథిగా పాల్గొన్న భాగ్యశ్రీ

దీపావళికి భారత స్టాక్ మార్కెట్లు నిర్వహించే ప్రత్యేక మూరత్ ట్రేడింగ్ భారీ లాభాలు నమోదు చేసింది. సంవత్ 2078 తొలిరోజు గంట పాటు నిర్వహించిన ట్రేడింగ్లో సూచీలు రికార్డు స్థాయిలో లాభాలు నమోదు చేశాయి. సెన్సెక్స్ 295 పాయింట్లు లాభపడి 60,067 పాయింట్ల వద్ద స్థిరపడింది. మరోవైపు నిఫ్టీ 87 పాయింట్లు లాభపడి 17,916 వద్ద స్థిరపడింది.

ట్రేడింగ్ ప్రారంభానికి ముందు బాంబే స్టాక్ ఎక్స్ఛేంజీలో ప్రత్యేక పూజలు నిర్వహించారు. బాలీవుడ్ ప్రముఖ నటి భాగ్యశ్రీ ప్రత్యేక అతిథిగా హాజరై.. గంటకొట్టి ట్రేడింగ్ ప్రారంభించారు.

18:31 November 04

ప్రత్యేక అతిథిగా భాగ్యశ్రీ

మూరత్ ట్రేడింగ్లో స్టాక్ మార్కెట్లు భారీ లాభాలతో కొనసాగుతున్నాయి. బాంబే స్టాక్ ఎక్స్ఛేంజీ సూచీ సెన్సెక్స్ 368 పాయింట్ల లాభంతో ట్రేడవుతోంది. నిఫ్టీ సైతం లాభాల్లో ఉంది.

ట్రేడింగ్ ప్రారంభానికి ముందు బాంబే స్టాక్ ఎక్స్ఛేంజీలో ప్రత్యేక పూజలు నిర్వహించారు. మూరత్ ట్రేడింగ్కు ప్రముఖ నటి భాగ్యశ్రీ ప్రత్యేక అతిథిగా హాజరయ్యారు. గంట కొట్టి ట్రేడింగ్ ప్రారంభించారు.

18:17 November 04

బీఎస్ఈలో పూజలు

మూరత్ ట్రేడింగ్లో స్టాక్ మార్కెట్లు భారీ లాభాలతో ప్రారంభయ్యాయి. బాంబే స్టాక్ ఎక్స్ఛేంజీ సూచీ సెన్సెక్స్ 380 పాయింట్ల లాభంతో కొనసాగుతోంది. సెన్సెక్స్లో అన్ని షేర్లూ లాభాల్లో ట్రేడవుతున్నాయి.

జాతీయ స్టాక్ ఎక్స్ఛేంజీ సూచీ నిఫ్టీ సైతం భారీ లాభంతోనే ట్రేడింగ్ ప్రారంభించింది. 115 పాయింట్లు లాభపడి.. 17,944 వద్ద కొనసాగుతోంది.

17:57 November 04

కాసేపట్లో 'మూరత్‌ ట్రేడింగ్‌' ప్రారంభం..

దీపావళికి భారత స్టాక్ మార్కెట్లు నిర్వహించే ప్రత్యేక 'మూరత్ ట్రేడింగ్' మరికొద్దిసేపట్లో ప్రారంభం కానుంది. గురువారం సాయంత్రం 6.15 నుంచి 07:15 వరకు మూరత్ ట్రేడింగ్ జరగనుంది.

మూరత్ ట్రేడింగ్ అనేది చాలా సంవత్సరాల నుంచి కొనసాగుతున్న సంప్రదాయం. మూరత్ ట్రేడింగ్ మొదట బాంబే స్టాక్ ఎక్స్చేంజీలో 1957లో ప్రారంభించారు. తర్వాత 1992లో జాతీయ స్టాక్ ఎక్స్ఛేంజీ స్థాపించినప్పుడు అదే ఏడాది ఈ ట్రేడింగ్ ప్రారంభమైంది. ఈ ట్రేడింగ్తో కొత్త హిందూ సంవత్సరం ప్రారంభమైనట్లు పరిగణిస్తారు.

సంపదకు, ధనానికి దేవత అయిన లక్ష్మీ దేవిని పూజిస్తూ మూరత్ ట్రేడింగ్ నిర్వహిస్తారు. హిందూ క్యాలెండర్ ప్రకారం ముహురత్ను మంచి సమయంగా పరిగణిస్తారు. ఈ సమయంలో చేసిన పని మంచి ఫలితాలను ఇస్తుందని విశ్వసిస్తారు. ట్రేడింగ్ ప్రారంభమవగానే కొత్త హిందూ సంవత్సరం ప్రారంభమైనట్లు పరిగణిస్తారు.

ఈ గంట సమయంలో ట్రేడింగ్ చేసిన వారికి సంవత్సరం మొత్తం ఎక్కువ లాభాలు వస్తాయని ఒక నమ్మకం ఉంది. ఈ సమయంలో కొంత మొత్తంలో షేర్లు కొనుగోలు చేయటం ద్వారా లక్ష్మీ దేవి ఆశీర్వాదం ఇస్తుందని కొంత మంది నమ్ముతుంటారు.