వరుస నష్టాలకు బ్రేకులు వేస్తూ లాభాలతో ఆరంభమైన స్టాక్ మార్కెట్లు.. చివరకు ఐదోరోజూ నష్టాల్లోనే ముగిశాయి. బొంబాయి స్టాక్ ఎక్సేంజీ సూచీ- సెన్సెక్స్ 585 పాయింట్లు తగ్గి 49,217 వద్ద స్థిరపడింది. నేషనల్ స్టాక్ ఎక్సేంజీ సూచీ- నిఫ్టీ 163 పాయింట్లు కోల్పోయి 14 వేల 556 వద్ద ముగిసింది. బ్యాకింగ్, ఫార్మా రంగాల్లో భారీగా అమ్మకాలు నమోదయ్యాయి.
ఇంట్రాడే సాగిందిలా..
సెన్సెక్స్ 50,296 పాయింట్ల అత్యధిక స్థాయిని; 48,962 పాయింట్ల అత్యల్ప స్థాయిని నమోదు చేసింది.
నిఫ్టీ 15,875 పాయింట్ల గరిష్ఠ స్థాయి, 14,479 పాయింట్ల కనిష్ఠ స్థాయిల మధ్య కదలాడింది.
లాభాల్లో ఉన్న షేర్లు..
ఐటీసీ, బజాజ్ ఆటో, భారతీ ఎయిర్టెల్, ఎం & ఎం, బజాజ్ ఫైనాన్స్ షేర్లు లాభాల్లో నమోదు చేశాయి.
నష్టాల్లో ఉన్నవి..
హెచ్సీఎల్ టెక్, ఇన్ఫోసిస్, డా.రెడ్డీస్, టీసీఎస్, రిలయన్స్ షేర్లు నష్టపోయాయి. ఇతర ప్రధాన కంపెనీల షేర్లన్నీ దాదాపు నష్టాల్లో కొనసాగాయి.
కరోనా కేసుల సంఖ్య రోజురోజుకూ పెరుగుతుండటం వల్ల మదుపరులు అమ్మకాలకు మొగ్గుచూపారని నిపుణులు విశ్లేషించారు.
ఇదీ చదవండి: ఫెడ్ నిర్ణయాలు, ఆర్థిక గణాంకాలే మార్కెట్లకు కీలకం!
