స్టాక్ మార్కెట్లు సోమవారం స్వల్ప నష్టాల్లో ముగిశాయి. బీఎస్ఈ సెన్సెక్స్ 124 పాయింట్లు కోల్పోయి 52,852 వద్ద సెషన్ను ముగించింది. మరో సూచీ నిఫ్టీ 32 పాయింట్ల నష్టంతో 15,824 వద్ద స్థిరపడింది. మార్కెట్ తొలుత నష్టాలతో ప్రారంభమైంది. అనంతరం లాభాల బాట పట్టినా.. పరిస్థితిలో మార్పు రాలేదు. దీంతో చివరి వరకు ఊగిసలాటలో కొనసాగాయి.
హెవీ వెయిట్ షేర్లలో అమ్మకాలు ప్రధానంగా నష్టాలకు కారణం కాగా.. మరోవైపు అంతర్జాతీయ మిశ్రమ పవనాలు కూడా తోడయ్యాయి. దీంతో ఆ ప్రభావం సూచీలపై పడింది. మొదటి త్రైమాసిక ఫలితాలతో రిలయన్స్ షేర్లు డీలా పడగా.. ఐసీఐసీఐ బ్యాంక్ షేర్లు లాభాలతో ముగించాయి. జొమాటో ర్యాలీ ఈ సెషన్లో కూడా కొనసాగింది.
ఇంట్రాడే సాగిందిలా..
సెన్సెక్స్ 53,103 పాయింట్ల అత్యధిక స్థాయిని, 52,784 పాయింట్ల అత్యల్ప స్థాయిని నమోదు చేసింది.
నిఫ్టీ 15,893 పాయింట్ల గరిష్ఠ స్థాయి, 15,797 పాయింట్ల కనిష్ఠ స్థాయిల మధ్య కదలాడింది.
లాభనష్టాల్లోనివి షేర్లు..
బజాజ్ ఫిన్సర్వ్, అల్ట్రాటెక్ సిమెంట్, టైటాన్, సన్ఫార్మా, ఇన్ఫోసిస్, హెచ్సీఎల్ టెక్, ఎన్టీపీసీ షేర్లు లాభాలను గడించాయి.
మహీంద్ర అండ్ మహీంద్ర, ఎస్బీఐ, రిలయన్స్, భారతీ ఎయిర్ టెల్,హెచ్డీఎఫ్సీ, టెక్ మహీంద్ర షేర్లు నష్టాలను చవిచూశాయి.
ఇదీ చూడండి: ఐటీలో ఫ్రెషర్స్కి భారీ ఆఫర్లు- ప్యాకేజీలు ఎంతంటే..
