దేశీయ స్టాక్ మార్కెట్లు ఇవాళ నష్టాలతో ముగిశాయి. దేశ జీడీపీ రెండో త్రైమాసిక ఫలితాలు వెలువడనున్న నేపథ్యంలో మదుపరులు ఆచితూచి వ్యవహించడం వల్ల ట్రేడింగ్లో సూచీలు ఫ్లాట్గా కొనసాగాయి.
బొంబాయి స్టాక్ ఎక్స్ఛేంజీ సూచీ సెన్సెక్స్ 110 పాయింట్లు పతనమైంది. ఓ దశలో 44 వేల పాయింట్ల మార్క్ను కోల్పోయిన సూచీ తర్వాత పుంజుకుంది. చివరకు 44,150 పాయింట్ల వద్ద స్థిరపడింది.
జాతీయ స్టాక్ ఎక్స్ఛేంజీ సూచీ నిఫ్టీ సైతం స్వల్పంగా నష్టపోయింది. 18 పాయింట్లు దిగజారి.. 12,969 వద్ద ముగిసింది.
లాభనష్టాల్లోనివివే
ఆటో, ఫార్మా, లోహ సంబంధిత షేర్లలో కొనుగోళ్లు నమోదయ్యాయి. సెన్సెక్స్ 30 షేర్లలో ఏషియన్ పెయింట్స్ అత్యధికంగా 1.63 శాతం లాభపడింది. టైటాన్, టెక్ మహీంద్ర, బజాజ్ ఫైనాన్స్, టాటా స్టీల్ లాభాల్లో పయనించాయి.
పవర్ గ్రిడ్, హెచ్సీఎల్ టెక్, ఓఎన్జీసీ, యాక్సిస్ బ్యాంక్, టీసీఎస్, ఇన్ఫోసిస్, రిలయన్స్ షేర్లు పతనమయ్యాయి.
