అంతర్జాతీయ ప్రతికూలతల కారణంగా దేశీయ స్టాక్ మార్కెట్లు వరుసగా రెండో రోజు నష్టాల్లో ముగిశాయి. బొంబాయి స్టాక్ ఎక్సేంజీ సూచీ- సెన్సెక్స్ 338 పాయింట్లు కోల్పోయి 49,565 వద్ద స్థిరపడింది. నేషనల్ స్టాక్ ఎక్సేంజీ సూచీ-నిఫ్టీ 124 పాయింట్లు కోల్పోయి 14 వేల 906 వద్ద ముగిసింది. బ్యాంకు షేర్లతో పాటు.. విద్యుత్, ఐటీ రంగ షేర్లు అమ్మకాల ఒత్తిడిని ఎదుర్కొన్నాయి.
ఇంట్రాడే సాగిందిలా..
సెన్సెక్స్ 50,099 పాయింట్ల వద్ద గరిష్ఠాన్ని తాకి.. 49,497 పాయింట్ల కనిష్ఠాన్ని నమోదు చేసింది.
మరో సూచీ నిఫ్టీ 15,070 పాయింట్ల గరిష్ఠాన్ని, 14,885 పాయింట్ల కనిష్ఠాన్ని తాకింది.
లాభాల్లో, నష్టాల్లోని షేర్లు..
ఎం అండ్ ఎం, ఇండస్ఇండ్, టైటాన్, ఎల్ అండ్ టీ షేర్లు స్వల్ప లాభాలను ఆర్జించగా.. ఇతర ప్రధాన కంపెనీల షేర్లన్నీ నష్టాల్లో కొనసాగాయి. ఓఎన్జీసీ షేరు అధికంగా 3 శాతం మేర నష్టపోయింది.
ఇవీ చదవండి: 'కరోనా నష్టాల్లో 80% ప్రైవేటు రంగానిదే'
