జీడీపీ గణాంకాలు సానుకూలంగా ఉండటంతో పాటు అంతర్జాతీయ మార్కెట్ల నుంచి ఉత్సాహకరమైన సంకేతాలు అందుకున్న నేపథ్యంలో దేశీయ సూచీలు లాభాల్లో పయనించాయి. బ్యాంకింగ్, ఫైనాన్స్ షేర్లు మార్కెట్లలో జోరు నింపాయి. ఐటీ, ఫార్మా రంగ కంపెనీల షేర్లు సైతం లాభాలు గడించాయి.
బొంబాయి స్టాక్ ఎక్స్ఛేంజీ సూచీ సెన్సెక్స్ 750 పాయింట్లు పెరిగింది. చివరకు 49,850 వద్ద సెషన్ను ముగించింది.
జాతీయ స్టాక్ ఎక్స్ఛేంజీ సూచీ నిఫ్టీ 232 పాయింట్లు వృద్ధి చెంది.. 14,762 వద్ద స్థిరపడింది.
ఇంట్రాడే సాగిందిలా..
సెన్సెక్స్ 50,058 పాయింట్ల అత్యధిక స్థాయి , 49,440 పాయింట్ల అత్యల్ప స్థాయిలను నమోదు చేసింది.
నిఫ్టీ 14,806 పాయింట్ల గరిష్ఠ స్థాయి, 14,638 పాయింట్ల కనిష్ఠ స్థాయిల మధ్య కదలాడింది.
లాభనష్టాల్లో..
పవర్ గ్రిడ్, ఓఎన్జీసీ, ఏషియన్ పెయింట్స్, కోటక్బ్యాంక్, టైటాన్, హెచ్డీఎఫ్సీ, హెచ్సీఎల్ టెక్, టెక్ మహీంద్రా షేర్లు రాణించాయి.
30 షేర్ల ఇండెక్స్లో భారతీ ఎయిర్ టెల్ మాత్రమే నష్టపోయింది.
