ప్యాకేజీపై సర్వత్రా ఉత్కంఠ- నిధుల కేటాయింపు ఎలా?

కరోనా కారణంగా సంక్షోభాన్ని ఎదుర్కొంటున్న భారత ఆర్థిక వ్యవస్థను తిరిగి గాడిన పెట్టేందుకు.. ప్రధాని మోదీ ప్రకటించిన 20లక్షల కోట్ల భారీ ఆర్థిక ప్యాకేజీ విధి విధానాలను కేంద్ర ఆర్థిక మంత్రి నిర్మలా సీతారామన్‌ నేడు వెల్లడించనున్నారు.ఈ మేరకు దిల్లీలో సాయంత్రం 4 గం.కు కేంద్ర ఆర్థికమంత్రి మీడియా సమావేశం నిర్వహించనున్నారు. ఈ ప్యాకేజీలో వివిధ రంగాలకు నిధుల కేటాయిపు, ఆయా రంగాలకు ప్యాకేజి వల్ల కలిగే ప్రయోజనాలు, ఆర్థిక కార్యకలాపాలు, ఆర్థిక వృద్ధి తదితర అంశాలపై వివరణ సహా, రాష్ట్రాలకు మార్గదర్శకాలు విడుదల చేయనున్నారు