స్వరాజ్ ట్రాక్టర్ల ఉత్పత్తి సంఖ్య 15 లక్షలు దాటినట్టు మహీంద్రా సంస్థ ప్రకటించింది. కొన్ని సంవత్సరాలుగా దేశీయ ట్రాక్టర్ విపణిలో అత్యంత ఆదరణ పొందుతున్న సంస్థగా స్వరాజ్ ఉందని తెలిపింది. మహీంద్రకు చెందిన అనుబంధ సంస్థే స్వరాజ్.
నాలుగు దశాబ్దాల క్రితం స్వరాజ్ ట్రాక్టర్ల తయారీని ప్రారంభించింది. గత సంవత్సరం లక్షా 20వేల ట్రాక్టర్లు ఉత్పత్తి చేసింది.
ఉత్పత్తి ప్రారంభించిన 28 సంవత్సరాలకు అంటే 2002లో 5 లక్షల ట్రాక్టర్లను ఉత్పత్తి చేసింది స్వరాజ్. తరువాతి 5 లక్షల ట్రాక్టర్లను తయారుచేయటానికి 11 సంవత్సరాలు తీసుకుంది. 2013లో 10 లక్షల ఉత్పత్తి మైలు రాయిని చేరుకుంది. తర్వాతి 5 సంవత్సరాల్లో మరో 5లక్షల ట్రాక్టర్లను తయారు చేసింది. 15 లక్షల ట్రాక్టర్ల మైలురాయిని 44 సంవత్సరాల్లో చేరుకుంది ఈ దిగ్గజ సంస్థ.
స్వరాజ్ ఉత్పత్తి, పరిశోధనాభివృద్ధి కేంద్రాలు పంజాబ్లో ఉన్నాయి. ప్రస్తుతం ఈ కంపెనీ 15హెచ్పీ నుంచి 65 హెచ్పీ సామర్థ్యం ఉన్న ట్రాక్టర్లను ఉత్పత్తి చేస్తోంది.
