భారత పారిశ్రామిక ఉత్పత్తి మే నెలలో 29.3 శాతం పెరిగింది. పారిశ్రామక ఉత్పత్తి సూచీ(ఐఐపీ) గణాంకాల ప్రకారం ఈ నెలలో తయారీ రంగం 34.5 శాతం వృద్ధిని నమోదు చేసింది. మైనింగ్ ఉత్పత్తి 23.3 శాతం పెరగ్గా.. విద్యుత్ ఉత్పత్తి 7.5 శాతం అధికంగా జరిగింది.
కరోనా కారణంగా గతేడాది మేలో ఐఐపీ 33.4శాతం పతనం కావడం గమనార్హం. 2020 మార్చి నుంచి ఐఐపీ తీవ్రంగా ప్రభావితమవుతూ వస్తోంది. కరోనా వల్ల 2020 ఏప్రిల్లో 18.7 శాతం, ఏప్రిల్లో 57.3 శాతం పతనమైంది.
ద్రవ్యోల్బణం ఇలా..
మరోవైపు, ద్రవ్యోల్బణం అదే స్థాయిలో కొనసాగుతోంది. రిటైల్ ద్రవ్యోల్బణం జూన్లో 6.26 శాతంగా రికార్డైంది. అంతకుముందు నెలలో ద్రవ్యోల్బణం 6.3 శాతంగా ఉంది.
ద్రవ్యోల్బణాన్ని 2-6 శాతం మధ్య ఉంచాలని ఆర్బీఐ నిర్దేశించుకోగా.. వినియోగదారుల ధరల సూచీ ప్రకారం.. వరుసగా రెండో నెలలోనూ ఇది ఆరు శాతానికి మించి నమోదైంది.
ఇదీ చదవండి: Flipkart: 2.8 లక్షల కోట్లకు ఫ్లిప్కార్ట్ విలువ!
