కరోనా రెండో దశ సంక్షోభం తర్వాత దేశీయ తయారీ రంగం తొలిసారి భారీ వృద్ధి రేటును నమోదు చేసింది. డిమాండ్ పెరగటం, స్థానిక ప్రభుత్వాలు కొవిడ్-19 ఆంక్షలు సడలించడం వంటివి ఇందుకు దోహదం చేసినట్లు ఐహెచ్ఎస్ మార్కిట్ నెలవారీ నివేదికలో పేర్కొంది.
ఈ సానుకూలతలన్నింటితో తయారీ రంగ పర్చేజింగ్ మేనేజర్స్ ఇండెక్స్ (పీఎంఐ) స్కోరు జులైలో 55.3కు పెరిగింది. జూన్లో ఇది 48.1 గా ఉండటం గమనార్హం.
పీఎంఐ స్కోరు 50కి పైగా ఉంటే వృద్ధి బాటలో ఉన్నట్లు.. అంతకన్నా తక్కువగా ఉంటే.. క్షీణత దశలో ఉన్నట్లు అర్థం చేసుకోవచ్చు.
కరోనా ప్రభావం తగ్గుముఖం పడితే.. ఈ ఏడాది (2021) పారిశ్రామికోత్పత్తి 9.7 శాతానికి పెరగొచ్చని ఐహెచ్ఎస్ మార్కిట్ అంచనా వేసింది. తయారీ రంగంలో ఉద్యోగాల పరంగా చూస్తే.. స్వల్ప వృద్ధి నమోదైనట్లు వివరించింది.
ఇదీ చదవండి: 4 నెలల్లో రూ.31 లక్షల కోట్ల సంపద వృద్ధి
