అక్టోబర్లో భారత ఎగుమతులు 5.4 శాతం తగ్గి.. 24.82 బిలియన్ డాలర్లుగా నమోదయ్యాయి. పెట్రోలియం ఉత్పత్తులు, రత్నాలు, ఆభరణాలు, లెదర్ విభాగాల్లో షిప్మెంట్లు తగ్గిన కారణంగా ఈ క్షీణత నమోదైనట్లు మంగళవారం విడుదల చేసిన నివేదికలో వెల్లడించింది వాణిజ్య, పరిశ్రమల మంత్రిత్వ శాఖ.
ఇదే సమయానికి దేశ దిగుమతులు కూడా భారీగా 11.56 శాతం తగ్గి.. 33.6 బిలియన్ డాలర్లుగా నమోదైనట్లు వెల్లడించింది.
అక్టోబర్లో భారత వాణిజ్య లోటు.. గత ఏడాది ఇదే నెలతో పోలిస్తే 11.76 బిలియన్ డాలర్ల నుంచి.. 8.78 బిలియన్ డాలర్లకు తగ్గినట్లు పేర్కొంది.
ప్రస్తుత ఆర్థిక సంవత్సరం ఏప్రిల్-అక్టోబర్ మధ్య దేశ ఎగుమతులు 150.07 బిలియన్ డాలర్లకు పరిమితమైనట్లు కేంద్రం తెలిపింది. గత ఏడాది ఇదే సమయంతో పోలిస్తే ఈ మొత్తం 19.05 శాతం తక్కువని వివరించింది.
ఇదీ చూడండి:స్వల్పంగా పెరిగిన బంగారం, వెండి ధరలు
