వరుసగా మూడో నెలలోనూ సేవా రంగం డీలా

వరుసగా మూడో నెలలోనూ సేవా రంగ కార్యకలాపాలు ప్రతికూలంగా నమోదయ్యాయి. ఐహెచ్​ఎస్​ మార్కిట్​ నెలవారీ నివేదిక ప్రకారం.. సేవా రంగ పీఎంఐ స్కోరు జులైలో 45.4గా ఉన్నట్లు తేలింది.

దేశీయ సేవా రంగ కార్యకలాపాలు వరుసగా మూడో నెలలోనూ (జులైలో) ప్రతికూలంగానే ఉన్నట్లు ఐహెచ్​ఎస్​ మార్కిట్​ నెలవారీ నివేదిక పేర్కొంది. గత నెలలో సేవా రంగ వ్యాపార కార్యకలాపాలు, కొత్త ఆర్డర్లు, ఉద్యోగ నియామకాలు సాధారణం కన్నా తక్కువగా నమోదైనట్లు తెలిపింది. కరోనా భయాలు, స్థానిక ఆంక్షలు సేవా రంగాన్ని సంక్షోభంలోకి నెట్టినట్లు పేర్కొంది.

అయినప్పటికీ.. జులైలో సేవా రంగ పర్చేజింగ్ మేనేజర్స్ ఇండెక్స్​ (పీఎంఐ) స్కోరు జూన్​తో పోలిస్తే.. 41.2 నుంచి 45.4 వద్దకు పెరగటం గమనార్హం.