కరోనా సంక్షోభం దృష్ట్యా భారత వృద్ధి రేటు అంచనాలను తగ్గించింది ప్రముఖ రేటింగ్ సంస్థ ఫిచ్ సొల్యూషన్స్. 2020-21లో భారత వృద్ధి రేటు 1.8శాతానికి పరిమితమవుతుందని పేర్కొంది. వైరస్ కారణంగా ఆదాయం కోల్పోతున్నందువల్ల.. ప్రైవేటు వినియోగం తగ్గే అవకాశం ఉన్నట్లు వివరించింది.
గతంలో భారత్ 4.6 శాతం వృద్ధి రేటు సాధిస్తుందని ఫిచ్ సొల్యూషన్స్ పేర్కొనడం గమనార్హం.
కేంద్రం ఉద్దీపన చర్యలను ఆలస్యంగా ప్రకటించటం వల్ల భారత్ ఆర్థికంగా మరింత ఒడుదొడుకులను ఎదుర్కోవాల్సి వస్తుందని ఫిచ్ సొల్యూషన్స్ తెలిపింది.
మరోవైపు చైనా 2020 వాస్తవ జీడీపీ అంచనాలను 1.1 శాతానికి సవరించింది. గతంలో 2.6 శాతం వృద్ధి రేటు సాధిస్తుందని పేర్కొంది. ఈ అంచనాలే ప్రపంచ ఆర్థిక పరిస్థితుల తీవ్రతను తెలియజేస్తున్నాయని ఫిచ్ సొల్యూషన్స్ పేర్కొంది.
