భారత్లో విదేశీ ప్రత్యక్ష పెట్టుబడులు(ఎఫ్డీఐ) గణనీయంగా పెరుగుతున్నాయి. 2020-21 ఆర్థిక సంవత్సరం ఏప్రిల్-డిసెంబర్ మధ్య కాలంలో ఈక్విటీ ఎఫ్డీఐలు 40 శాతం పెరిగి.. 51.47 బిలియన్ డాలర్లకు చేరుకున్నాయి.
2019-20 తొలి తొమ్మిది నెలల(55.14 బిలియన్ డాలర్లు)తో పోలిస్తే.. 2020-21లో 22 శాతం అధికంగా(67.54 బిలియన్ డాలర్లు) విదేశీ ప్రత్యక్ష పెట్టుబడులు వచ్చినట్లు కేంద్ర వాణిజ్య, పరిశ్రమల శాఖ వెల్లడించిన గణాంకాలు స్పష్టం చేశాయి. 2020-21 మూడో త్రైమాసికం(అక్టోబర్-డిసెంబర్)లో ఎఫ్డీఐలు 37 శాతం పెరిగ్గా... డిసెంబర్లో ఎఫ్డీఐలు ఏకంగా 24 శాతం వృద్ధి చెందాయి.
గత ఆరున్నరేళ్ల కాలంలో ప్రభుత్వం చేపట్టిన సంస్కరణలు, సులభతర వాణిజ్యం వంటి చర్యలు ఎఫ్డీఐలు పెరిగేందుకు దోహదం చేశాయని వాణిజ్య, పరిశ్రమల శాఖ పేర్కొంది.
ఇదీ చదవండి: భద్రతా దళాల అధినేతల సదస్సుకు మోదీ
