'జీడీపీలో 20% మేర భారత​ ఎగుమతులు'

దేశ జీడీపీలో 20శాతం మేర భారత ఎగుమతులు ఉన్నాయని ​ ప్రధానమంత్రి నరేంద్ర మోదీ పేర్కొన్నారు. రానున్నరోజుల్లో ఇవి మరింత పెరుగుతాయని చెప్పారు.

దేశ జీడీపీలో 20శాతం మేర ఎగుమతులు జరిగాయని ప్రధానమంత్రి నరేంద్ర మోదీ చెప్పారు. రానున్న రోజుల్లో ఇవి మరింత పెరుగుతాయని ఆశాభావం వ్యక్తం చేశారు. ప్రతిరంగంలో విశ్వవిజేతలను తయారు చేయాల్సిన అవసరం ఉందని పేర్కొన్నారు. ఇండియన్ మిషన్స్​ అండ్​ ఎక్పోర్ట్స్​ ప్రమోషన్​ కౌన్సిల్​ సమావేశానికి ఆయన వర్చువల్​గా హాజరయ్యారు.

"ఎమర్జెన్సీ క్రెడిట్​ లైన్​ గ్యారంటీ పథకం, ఉత్పత్తి అనుసంధానిత ప్రోత్సాహక పథకం వల్ల పరిశ్రమలకు ఊతం అందింది. తద్వారా దేశీయ ఉత్పత్తి పెరిగింది. రెట్రోస్పెక్టివ్​ పన్నును తొలగించేలా నిర్ణయం తీసుకోవడం.. ఎగుమతులను ప్రోత్సహించడంపై మా నిబద్ధతకు సాక్ష్యం."

-నరేంద్ర మోదీ, ప్రధానమంత్రి

భారత ఉత్పత్తులకు సరికొత్త మార్కెట్​ లభించేలా.. విదేశాల్లో భారత దౌత్య విధానాలు ఉపకరిస్తున్నాయని మోదీ చెప్పారు. కొవిడ్​ అనంతరం ఏర్పడ్డ అవకాశాలను సద్వినియోగం చేసుకోవాలని పరిశ్రమలు, ఎగుమతిదారులకు ప్రధానమంత్రి నరేంద్ర మోదీ శుక్రవారం పిలుపునిచ్చారు. 400బిలియన్ డాలర్ల ఎగుమతి లక్ష్యాన్ని సాధించేందుకు కొత్త గమ్యస్థానాలను ఏర్పరుచుకోవాలని చెప్పారు. ఉత్పత్తిలో పెరుగుదల, లాజిస్టిక్స్​ ధర, దేశీయ ఉత్పత్తులకు అంతర్జాతీయ మార్కెట్​ దేశీయ ఎగుమతుల పెరుగుదలకు అండగా నిలుస్తాయని పేర్కొన్నారు.