మనలో చాలా మంది పెట్టుబడి పెట్టడానికి పెద్ద మొత్తంలో డబ్బు అవసరమని భావిస్తుంటారు. కానీ అది అపోహ మాత్రమే. చిన్న నీటి బిందువులు కలిసి ఒక సముద్రాన్నీ తయారు చేస్తాయి. అలాగే సిస్టమాటిక్ ఇన్వెస్ట్మెంట్ ప్లాన్స్ (సిప్) రూపంలో తక్కువ మొత్తంలో డబ్బును పెట్టుబడిగా పెట్టినట్లయితే, కాలక్రమేణా మీరు ధనవంతులవుతారు.
తక్కువ డబ్బుతో పెట్టుబడి పెట్టడానికి కొన్ని మార్గాలు:
1. పరిమాణంతో సంబంధం లేకుండా పెట్టుబడి పెట్టడం ప్రారంభించండి
పెట్టుబడులను ప్రారంభించడానికి పెద్ద మొత్తంలో డబ్బు అవసరమని చాలా మంది అనుకుంటారు. కానీ అది తప్పు. మీరు కూడబెట్టుకున్న డబ్బును పెట్టుబడిగా పెట్టాల్సిన అవసరం లేదు. అది కేవలం ప్రారంభించడానికి మాత్రమే అవసరం. కీలకమైన ఆర్థిక నిర్ణయాలను తీసుకోవడం ఆలస్యం చేసినట్లయితే, దానికి అధిక మూల్యం చెల్లించాల్సి రావచ్చు. మొదటి రోజు నుంచి ఆర్థిక ప్రణాళికను రూపొందించుకోవడం మొదలు పెడితే, మీరు డబ్బు విషయాలపై పట్టు సాదించగలరు. మీరు ఆర్థిక ప్రణాళికను రూపొందించడం ప్రారంభించిన రోజు నుంచే డబ్బు సంపాదించడం ప్రారంభించాలి. మనలో చాలా మంది డబ్బు విషయంలో మరొక రోజుకు ప్రణాళికను వాయిదా వేయడం లేదా చివరి నిమిషం వరకు అలసత్వం వహించే ధోరణిని కలిగి ఉంటారు. ఎందుకంటే మనకు చేయవలసిన వేరే పని ఉండడం లేదా మనకు అది అర్థం కాకపోవడం కారణం కావచ్చు.
2. స్థిరంగా ఉండండి
మీరు పెట్టుబడి పెట్టడం ప్రారంభించిన తర్వాత, దానిని స్థిరంగా ఉంచడం చాలా ముఖ్యం. పెట్టుబడులకు ఒక క్రమశిక్షణా విధానాన్ని అనుసరించి, సరైన ఆస్తి తరగతిని ఎంచుకోండి. అలాగే దీర్ఘకాలిక పెట్టుబడులకు ప్రణాళికను కలిగి ఉండడం చాలా ముఖ్యం.
మీకు సరిపోయే సరైన పెట్టుబడులపై అవగాహన కలిగి ఉన్నట్లైతే, దీర్ఘకాలం పాటు పెట్టుబడులు పెట్టనవసరం లేదు. తెలివిగా వ్యవహరించి పెట్టుబడులను మార్చుతూ ఉండాలి.
ఉదాహరణకు.. మీరు స్థిరత్వం అందించే స్థిర ఆదాయ సెక్యూరిటీలలో పెట్టుబడి పెట్టినప్పుడు, రిటర్న్స్ అనేవి స్థిరంగా, పరిమితంగా ఉంటాయి. అయితే, దీర్ఘకాల పెట్టుబడిదారుల ఈక్విటీలు పెద్ద ఎత్తున సంభావ్య సామర్థ్యాన్ని అందిస్తాయి. ప్రారంభ రిస్క్, అస్థిరతలు అధిక రిటర్న్స్ ను ఇస్తాయి.
3. చిన్న పొదుపు
నేడు పొదుపు చేసిన ఒక రూపాయి రేపు మరొక రూపాయిని సంపాదిస్తుంది. చిన్న పొదుపులు స్వల్ప కాలంలో మిమ్మల్ని ప్రభావితం చేయకపోయినా.. దీర్ఘకాలంలో మీకు కచ్చితంగా సహాయ పడతాయి.
ఉదాహరణకు.. చిన్న పొదుపు సమీకరణకు పిగ్గీ బ్యాంకు ఒక అద్భుతమైన ఉదాహరణ. ఓర్పుతో క్రమానుగుణంగా పొదుపు చేసినట్లయితే, అది చివరగా ఎంత మొత్తాన్ని సమకూరుస్తుందో తెలిస్తే మీరు ఆశ్చర్యానికి గురవుతారు. ఇలాగే అర్థవంతంగా వృద్ధి చెందినట్లైతే, మీరు పెట్టుబడి పెట్టిన దానికంటే ఎక్కువ డబ్బును పొందుతారు.
4. మీ పెట్టుబడి మొత్తాన్ని కాలక్రమేణా పెంచండి
కాలక్రమేణా మీ ఆదాయం పెరుగుతుంది కాబట్టి.. మీ పెట్టుబడి మొత్తాన్ని కూడా పెంచండి.
ఆదాయం పెరుగుతుంటే, దానికి తగ్గట్టుగా ఖర్చులు కూడా పెరుగుతాయనే వాస్తవాన్ని మనలో చాలా మంది గుర్తిస్తారు. ఇది మనం చేసే వృథా ఖర్చుల కారణంగా ఏర్పడుతుంది. అందువలన మనం ఆదాయానికి తగ్గట్టుగా పొదుపును పెంచకపోతే, తక్కువ పొదుపును మాత్రమే కలిగి ఉంటాము.
5. ఓర్పుతో ఉండండి
ఓర్పు అనేది సరికొత్త మేధస్సు. సమయం మీ గొప్ప వ్యూహం, ఎత్తుగడ. దీర్ఘ కాలం, క్రమశిక్షణ, ఓర్పుతో పెట్టే పెట్టుబడులతో గొప్ప ఫలితాలను సాధించవచ్చు. ఓర్పు, ప్రాధాన్యం లేకపోవడం వలన కొన్ని సందర్భాల్లో మీరు పెద్ద మొత్తంలో డబ్బు సంపాదించే అవకాశాన్ని కోల్పోవచ్చు. మీ పెట్టుబడులపై విశ్వాసం ఉంచేలా, కాలక్రమేణా పెరిగి, గరిష్ఠ లాభాలను పొందేందుకు ఇది ఒక బలమైన పరిష్కారం చూపుతుంది. మీరు బాగా గుర్తుపెట్టుకోవాల్సిన విషయం ఏమిటంటే, హెచ్చుతగ్గులనేవి పెట్టుబడి చక్రంలో ఒక భాగం మాత్రమే. ఒకవేళ ట్రెండ్స్ బలహీనపడితే, మీ విశ్వాసాన్ని కోల్పోవద్దు. కాలక్రమేణా నష్టాలు, సవాళ్లు ఎదురవుతూనే ఉంటాయి. వాటిని అధిగమించి మంచి రాబడులను పొందడానికి ప్రయత్నించండి.
6. సమయం - సిప్
మీరు మ్యూచువల్ ఫండ్లలో సిప్ ద్వారా నెలకు రూ. 500 నుంచి పెట్టుబడి పెట్టవచ్చు. అలాగే 5 నుంచి 8 సంవత్సరాల కాలం పాటు దానిని నిర్వహించవచ్చు. మీ పెట్టుబడులు సంవత్సరానికి మెరుగైన రాబడులను పొందడమే కాకుండా భవిష్యత్తులో మరిన్ని ప్రయోజనాలను పొందుతాయి. అదనంగా, మీరు ఒక సంవత్సరం కన్నా ఎక్కువ కాలం పాటు మ్యూచువల్ ఫండ్స్ లో పెట్టుబడి పెట్టినట్లయితే, మీరు పూర్తిగా సమర్థంగా లేని ఆదాయాల నుంచి కూడా లాభం పొందుతారు.
ఇదీ చదవండి:
