ఇంటి వంటకాల డెలివరీ సేవలను అందుబాటులోకి తీసుకువస్తుందన్న ఊహాగానాలకు మరింత ఊతమిచ్చింది ఆన్లైన్ ఫుడ్ డెలివరీ సంస్థ జొమాటో. ఇందుకు ప్రధాన కారణం ఆ సంస్థ చేసిన ఓ సరదా ట్వీట్.
"అప్పుడప్పుడూ ఇంటి భోజనం కూడా తినండి" అంటూ జొమాటో అధికారిక ట్విటర్ పేజీలో ఇటీవల ఓ ట్వీట్ చేసింది. ఈ ట్వీట్కు స్పందిస్తూ.. ఆ సంస్థ సీఈఓ ప్రసంశలు కురిపించారు. దీనిపై దిగ్గజ టెక్ సంస్థలు జొమాటోను ట్యాగ్ చేస్తూ వరుస రీట్వీట్లు చేశాయి.
ఈ నేపథ్యంలో.. స్విగ్గీ తరహాలోనే జొమాటో కూడా 'ఇంటి భోజనం' సేవలు అందించే పనిలో ఉందనే ఊహాగానాలు బలపడ్డాయి.
జొమాటో ప్రధాన ప్రత్యర్థి స్విగ్గీ ఇప్పటికే.. స్విగ్గీ డెయిలీ పేరుతో ఇంటి భోజన సేవలు అందిస్తుంది. ప్రస్తుతం రోజు, వారం, నెలవారీ చందాలతో ఈ సేవలను అందిస్తోంది స్విగ్గీ.
ఇంటి భోజనానికి దేశవ్యాప్తంగా చాలా ప్రాంతాల్లో భారీగా డిమాండు ఉంది. ఇంటి షెఫ్లతో వండించిన ఆహారంపై ఉద్యోగులు, హాస్టళ్లలో ఉండే విద్యార్థులు అధికంగా ఆసక్తి చూపుతున్నారు.
ఇదీ చూడండి: భారత్ వీడాలంటే రూ.18వేల కోట్లు కట్టాల్సిందే!
