'ప్రపంచమంతా కరోనా​కు వ్యతిరేకంగా పోరాడాలి'

కరోనా వైరస్​కు వ్యతిరేకంగా అన్ని దేశాలు నడుం బిగించాలని ప్రపంచ బ్యాంకు పిలుపునిచ్చింది. వైరస్​పై పోరాడేందుకు సొంత నిధులను ఇచ్చే యోచనలో ఉన్నట్లు తెలిపింది.

కరోనా వైరస్​ వ్యాప్తిని అరికట్టేందుకు అన్ని దేశాలు కార్యాచరణను వేగవంతం చేయాలని ప్రపంచ బ్యాంకు పిలుపునిచ్చింది. వైరస్​కు వ్యతిరేకంగా పోరాడేందుకు సొంత నిధులను అందించే అంశాన్ని పరిశీలిస్తున్నట్లు తెలిపింది.

"ఆరోగ్య వ్యవస్థను బలోపేతం చేయాలని అన్ని దేశాలకు మేము పిలుపునిస్తున్నాం. వైరస్ వ్యాప్తిని నియంత్రించి.. భవిష్యత్తులో పెరగకుండా చర్యలు తీసుకోవాలి. వైరస్​ ప్రభావిత దేశాలకు మద్దతుగా నిలిచేందుకు నిధులు, సాంకేతిక పరిజ్ఞానం అందించే అంశాన్ని పరిశీలిస్తున్నాం."

- ప్రపంచ బ్యాంకు ప్రకటన

చైనాలో మొదలైన కరోనా వైరస్​ కారణంగా ఇప్పటి వరకు 400 మందికి పైగా మరణించారు. సుమారు 20 దేశాల్లో వేలసంఖ్యలో ప్రజలకు ఈ వైరస్​ సోకింది.