వాట్సాప్.. ప్రపంచంలో అత్యధికులు ఉపయోగించే మెసేజ్ యాప్. ఎప్పటికప్పుడు సరికొత్త ఫీచర్లను జోడిస్తూ వినియోగదారులకు మరింత చేరువవుతోంది. ఇతర యాప్‌ల నుంచి వస్తున్న పోటీని తట్టుకుని నిలబడేందుకు కొత్త ఫీచర్లను జోడిస్తోంది. ఈ నేపథ్యంలో వినియోగదారులు ఎప్పటి నుంచో ఎదురు చూస్తున్న ఓ ఫీచర్‌పై వాట్సాప్ తీవ్రంగా కృషి చేస్తోందట.
ప్రస్తుతం వాట్సాప్ ఖాతాను ఒక డివైజ్లో మాత్రమే వినియోగించే వీలుంది. వెబ్ వాట్సాప్ ద్వారా కంప్యూటర్కు అనుసంధానించవచ్చు. అది కూడా కొన్ని పరిమితులతోనే సాధ్యమవుతుంది. కానీ ఒకే అకౌంట్‌తో మరో మొబైల్‌ లేదా ఇతర గాడ్జెట్‌లలో వినియోగించాలంటే కుదరదు. ఒకవేళ వేరే డివైజ్లో లాగిన్ అయితే మరొకటి దానంతట అదే లాగ్ఔట్ అవుతుంది. ఇప్పుడు ఆ ఇబ్బందిని తొలగించేందుకు వాట్సాప్ ప్రయత్నిస్తున్నట్లు సమాచారం.
నాలుగింటిలో..
వాట్సాప్లో ఈ ఫీచర్ త్వరలోనే అందుబాటులోకి రానున్నట్లు తెలుస్తోంది. ఒకటి, రెండు కాదు, ఏకంగా నాలుగు డివైజ్‌లలో ఒకే వాట్సాప్ అకౌంట్‌ను వినియోగించేలా యాప్ను సిద్ధం చేస్తున్నట్లు వాట్సాప్ బీటా ఇన్ఫో ఈ విషయాన్ని వెల్లడించింది.
"అవును ఒకేసారి నాలుగు డివైజ్‌లలో వాట్సాప్‌ను వినియోగించవచ్చు. ప్రస్తుతం దీనిని అభివృద్ధి చేస్తున్నారు. ఇది ఒక గొప్ప విషయం."
- వాట్సాప్ బీటా ఇన్ఫో
వైఫై కనెక్షన్‌ ద్వారా ఇతర డివైజ్‌లనూ వాట్సాప్ లాగిన్ అయ్యేలా దీనిని సిద్ధం చేస్తున్నట్లు సమాచారం. ఆ తర్వాత మొబైల్‌ డేటా ఆప్షన్ కూడా జత చేసే అవకాశం ఉంది. కొన్ని ట్యాబ్లెడ్‌, హైబ్రీడ్‌ ల్యాప్‌టాప్‌లకు మొబైల్‌ కనెక్షన్‌ వెసులుబాటు ఉండదు. ఇలాంటి వాటిలో వాట్సాప్ వినియోగించాలంటే కష్టం. అయితే ఈ ఫీచర్ అందుబాటులోకి వస్తే, ఆ ఇబ్బందులు తప్పనున్నాయి.
మరిన్ని ఫీచర్లు..!
దీనికి అదనంగా వాట్సాప్ మరిన్ని ఫీచర్లపై ప్రయోగాలు చేస్తున్నట్లు తెలుస్తోంది. చాట్ హిస్టరీలో డేట్ ఆధారంగా సెర్చింగ్ ఆప్షన్ను అందించనుంది. దీని వల్ల సందేశాలు, ఫొటోలు, వీడియోలతో పాటు ఇతర వివరాలను సులభంగా వెతుక్కునే అవకాశం ఉంటుంది. ప్రస్తుతానికి ఐఏఎస్పై ప్రయోగాలు నిర్వహిస్తోంది. త్వరలోనే ఆండ్రాయిడ్లోనూ తీసుకురానుంది. వెబ్ వెర్షన్లోనూ పనిచేస్తుందని నివేదికలు చెబుతున్నాయి.
ఎన్హాన్స్డ్ స్టోరేజీ యూసేజీ, క్లియర్ చాట్ ఫీచర్, షేర్చాట్ సపోర్ట్ ఇలా ఇంకొన్ని అంశాలు జోడించనుంది.
