సంక్షోభంలో కొట్టుమిట్టాడుతున్న టెలికాం సంస్థ వొడాఫోన్-ఐడియా ప్రస్తుత ఆర్థిక సంవత్సర తొలి త్రైమాసికంలో రూ.25,460 కోట్ల భారీ నష్టాన్ని ప్రకటించింది. గత ఆర్థిక సంవత్సరం ఇదే సమయంలో సంస్థ నష్టం రూ.4,874 కోట్లు.
ఏజీఆర్ సహా ఇతర చట్టబద్ధమైన చెల్లింపుల కోసం కేటాయింపులు పెరగటం వల్ల ఈ స్థాయి నష్టాలను నమోదు చేసినట్లు వొడాఫోన్-ఐడియా వెల్లడించింది. మొత్తం నష్టాల్లో వీటి వాటా రూ.19,440.5 కోట్లుగా పేర్కొంది.
2020-21 ఏప్రిల్-జూన్ త్రైమాసికంలో వొడాఫోన్-ఐడియా ఆదాయం కూడా భారీగా రూ.10,659.3 కోట్లకు తగ్గింది. 2019-20 ఇదే సమయంలో సంస్థ ఆదాయం రూ.11,269.9 కోట్లు.
దేశవ్యాప్త లాక్డౌన్తో స్టోర్లు మూతపడటం వల్ల వినియోగదారుల సంఖ్య కూడా భారీగా తగ్గినట్లు వొడాఫోన్ ఐడియా వెల్లడించింది. సగటు యూజర్ నుంచే వచ్చి నెలవారీ ఆదాయం క్యూ1లో రూ.114కు తగ్గినట్లు తెలిపింది. మార్చితో ముగిసిన త్రైమాసికంలో ఇది రూ.121గా ఉన్నట్లు పేర్కొంది.
ఇదీ చూడండి:బంగారంపై రుణాల పరిమితి భారీగా పెంపు
