బడ్జెట్ విమానయాన సంస్థ 'విస్తారా' వచ్చే నెల నుంచి అంతర్జాతీయ విమానసేవలు ప్రారంభించనుంది. ఈ మేరకు విస్తారా సంస్థను సంయుక్తంగా నిర్వహిస్తున్న టాటా సన్స్, సింగపూర్ ఎయిర్లైన్స్ సంస్థలు అధికారిక ప్రకటన చేశాయి.
ఆగస్టు నుంచి ప్రతి రోజు దిల్లీ-సింగపూర్, ముంబయి-సింగపూర్లకు విమాన సేవలు అందుబాటులో ఉంటాయని విస్తారా వెల్లడించింది. దిల్లీ నుంచి సింగపూర్కు మొదటి విమానం ఆగస్టు 6న బయల్దేరనుండగా, ముంబయి నుంచి ఆగస్టు 7న సేవలు ప్రారంభం కానున్నట్లు వెల్లడించింది. దిల్లీ కేంద్రంగా సేవలందిస్తున్న విస్తారా ప్రస్తుతం దేశవ్యాప్తంగా 24 గమ్యస్థానాలకు విమానాలను నడిపిస్తోంది.
అంతర్జాతీయ విమాన సేవల కోసం బోయింగ్ 737-800 ఎన్జీ విమానాలను వినియోగించనున్నట్లు 'విస్తారా' పేర్కొంది. సింగపూర్తో పాటు అంతర్జాతీయంగా మరిన్ని ప్రాంతాలకూ విమాన సేవలు ప్రారంభించే ప్రయత్నాలు జరుగుతున్నట్లు వెల్లడించింది.
ఇదీ చూడండి: యూట్యూబ్, అమెజాన్కు జొమాటో సూపర్ పంచ్
