బోయింగ్ సంస్థ తమ విమానాల్లో లోపాలను సరిదిద్దుకోవాలని అమెరికా ఫెడరల్ ఏవియేషన్ అథారిటీ(ఎఫ్ఏఏ) సూచించింది. ఆ సంస్థకు చెందిన 737 మ్యాక్స్ 8 మోడల్ విమానాల్లో అవసరమైన సాఫ్ట్వేర్ సహా ఇతర వ్యవస్థలను అప్డేట్ చేయాలని తెలిపింది.
గత ఐదు నెలల్లో ఈ మోడల్కు చెందిన రెండు విమానాలు ప్రమాదానికి గురయ్యాయి. ఎఫ్ఏఏ ఈ విషయంపై ఆగ్రహం వ్యక్తం చేసింది. ఏప్రిల్లోపు చర్యలు చేపట్టాలని ఎఫ్ఏఏ పేర్కొంది.
ఇథియోపియన్ ఎయిర్లైన్స్కి చెందిన ఈటీ302 విమానం ఆదివారం ప్రమాదానికి గురైంది. ఈ ప్రమాదంలో 157 మంది మృతి చెందారు. గతేడాది అక్టోబరు చివర్లో ఇండోనేషియాకు చెందిన లయన్ ఎయిర్లైన్స్ విమానం కుప్పకూలి 189 మంది దుర్మరణం చెందారు.
ఇథియోపియన్ విమాన ప్రమాదానికి కారణమైన పూర్తి వివరాలు ఇప్పటి వరకూ తెలియరాలేదు. అయితే విమానప్రమాదంలో కీలక ఆధారమైన బ్లాక్ బాక్స్ను మాత్రం స్వాధీనం చేసుకున్నట్లు తెలిపారు. బ్లాక్ బాక్స్ సమాచారం ద్వారాప్రమాదానికి అసలు కారణాలు తెలుసుకునే అవకాశం ఉంది.
