యాపిల్ డివైజ్ల యూజర్ల సమ్మతి లేకపోయినా... కొందరి లొకేషన్ డేటా ఓ భాగస్వామ్య సంస్థకు వెళుతోందని గుర్తించింది ట్విట్టర్. "అనుకోకుండా కొన్ని సందర్భాల్లో ఐఓఎస్ యూజర్ల డేటా సేకరించి, ఓ భాగస్వామ్య సంస్థతో పంచుకుంటున్నాం" అని ట్విట్టర్ తెలిపింది.
ఆ భాగస్వామ్య సంస్థ వద్ద యూజర్ల లొకేషన్ వివరాలు కొంత సమయమే ఉంటున్నాయని, తరువాత డిలీట్ అవుతున్నాయని తెలిపింది ట్విట్టర్.
వారికే సమస్య
ఐఫోన్ సహా ఇతర ఐఓఎస్ డివైజ్లలో ఒకటి కంటే ఎక్కువ ట్విట్టర్ ఖాతాలు వాడుతున్న వారికే ప్రధానంగా ఈ సమస్య ఎదురవుతోంది. ప్రిసైస్ లొకేషన్ సదుపాయాన్ని ఒక ఖాతాలో ఆన్ చేస్తే.. మరో ఖాతా వాడిన సమయంలో ఆ సదుపాయాన్ని ఆన్ చేయకున్నా లొకేషన్ అనుకోకుండా సేకరిస్తున్నామని తెలిపింది ట్విట్టర్.
ఇప్పటికే ఈ సమస్యను పరిష్కరించామని, పునరావృతం కాకుండా కృషి చేస్తున్నామని తెలిపింది ట్విట్టర్. లొకేషన్ డేటా సమస్యకు గురైన యూజర్లకు బగ్ను పరిష్కరించిన సమాచారాన్ని పంపామని పేర్కొంది. అయితే ఆ లొకేషన్ డేటా లీకేజీ ఎప్పుడు, ఎంత కాలం జరిగిందనే విషయంపై స్పష్టత ఇవ్వలేదు.
ఇదీ చూడండి: భాజపా సర్కార్ మునుగుతున్న నావ: మాయ
