టిక్టాక్ కొనుగోలుకు టెక్ దిగ్గజాల మధ్య పోటీ పెరుగుతోంది. సామాజిక మాధ్యమ దిగ్గజం ట్విట్టర్.. టిక్టాక్ అమెరికా వ్యాపారాల కొనుగోలుకు ఆసక్తి చూపుతున్నట్లు తెలుస్తోంది. ఇప్పటికే టెక్ దిగ్గజం మైక్రోసాఫ్ట్.. టిక్టాక్ కొనుగోలు కోసం దాని మాతృ సంస్థ బైట్డ్యాన్స్తో చర్చలు జరుపుతోన్న విషయం తెలిసిందే.
ఈ అంశంపై ట్విట్టర్గానీ, బైట్ డ్యాన్స్గానీ అధికారికంగా ఎలాంటి ప్రకటన చేయలేదు.
ట్విట్టర్ సామర్థ్యాలపై అనుమానాలు..
అయితే టిక్టాక్ కొనుగోలుకు ట్విట్టర్ ఆర్థిక సామర్థ్యం సరిపోతుందా అనే అంశంపై విశ్లేషకులు అనుమానాలు వ్యక్తం చేస్తున్నారు.
టిక్టాక్ను విక్రయించేందుకు బైట్డ్యాన్స్కు అమెరికా అధ్యక్షుడు డొనాల్డ్ ట్రంప్ సెప్టెంబర్ 15 వరకు గడువు విధించారు. దీనితో పాటు మైక్రోసాఫ్ట్ ఇప్పటికే బైట్డ్యాన్స్తో పలు దఫాల్లో చర్చలు జరిపింది. వీటన్నింటిని దాటుకుని ట్విట్టర్ టిక్టాక్ను కొనుగోలు చేయడం సాధ్యమేనా అనే సందేహాలు వస్తున్నాయి.
ట్విట్టర్ మార్కెట్ క్యాపిటల్ దాదాపు 30 బిలియన్ డాలర్లకు సమానంగా ఉంది. అయితే టిక్టాక్ను కొనుగోలు చేసేందుకు ట్విట్టర్కు ఇవి సరిపోవని అభిప్రాయపడుతున్నారు విశ్లేషకులు. ఈ ఒప్పందం పూర్తవ్వలంటే ట్విట్టర్ భారీగా నిధులు సమకూర్చుకోవాల్సి ఉంటుందని అంటున్నారు
ఒకవేళ ట్విట్టర్ వాటాదారులతో ఈ విషయంపై చర్చించినా.. ప్రస్తుత పరిస్థితుల్లో ఉన్న వ్యాపారాలపైనే దృష్టి సారించేందుకు మొగ్గు చూపుతారని విశ్లేషిస్తున్నారు.
మరోవైపు ట్విట్టర్లో వాటాదారుగా ఉన్న సిల్వర్లేక్ సంస్థ మాత్రం టిక్టాక్ కొనుగోలు కోసం నిధులు సమకూర్చేందుకు సిద్ధంగా ఉన్నట్లు పలు వార్తలొస్తున్నాయి.
ఇదీ చూడండి:ఆన్లైన్కు మారిన ఇంక్యుబేటర్ల కార్యకలాపాలు
