ఐటీ దిగ్గజం టాటా కన్సల్టెన్సీ సర్వీసెస్ (టీసీఎస్) కొత్త రికార్డు సృష్టించింది. కంపెనీ మార్కెట్ క్యాపిటల్ (ఎం-క్యాప్) తొలిసారి రూ.13 లక్షల కోట్ల మార్క్ను దాటింది. దీనితో దేశంలో రెండో అతిపెద్ద లిస్టెడ్ కంపెనీగా నిలిచింది టీసీఎస్.
టీసీఎస్ ఎం-క్యాప్ ప్రస్తుతం (బీఎస్ఈ డేటా ప్రకారం) రూ.13,14,051.01 కోట్లుగా ఉంది. బీఎస్ఈలో మంగళవారం సెషన్లో టీసీఎస్ షేర్లు 2.32 శాతం లాభపడ్డాయి. ఫలితంగా ఒక షేరు విలువ జీవనకాల గరిష్ఠమైన రూ.3,552.40 వద్దకు చేరింది. దీనితో కంపెనీ ఎం-క్యాప్ ఈ రికార్డు స్థాయికి దాటింది.
మంగళవారం సెషన్లో టీసీఎస్ సహా.. టెక్ మహీంద్రా, ఇన్ఫోసిస్, హెచ్సీఎల్ టెక్ వంటి ఇతర ఐటీ సంస్థలు కూడా భారీగా లాభాలను గడించాయి.
ఎం-క్యాప్ పరంగా రిలయన్స్ ఇండస్ట్రీస్ అగ్రస్థానంలో ఉంది. ఈ కంపెనీ మార్కెట్ క్యాపిటల్ (మంగళవారం నాటి డేటా ప్రకారం) రూ.13,71,823.79 కోట్లు.
ఇదీ చదవండి: రికార్డుల పరంపర- 55,800కు చేరువలో సెన్సెక్స్
