టెలికాం, నెట్వర్క్ టెక్ సంస్థ తేజస్ నెట్వర్క్స్ను టాటా సన్స్ అనుబంధ కంపెనీ స్వాధీనం చేసుకోనుంది. ఈ డీల్ విలువ దాదాపు రూ.1,890 కోట్లు. టాటా సన్స్కు చెందిన.. పనాటోన్ ఫిన్వెస్ట్కు.. తమ కంపెనీలో నియంత్రణ వాటాను అప్పగించే ప్రక్రియ దశలవారీగా జరగనున్నట్లు తేజస్ నెట్వర్క్స్ గురువారం ప్రకటించింది.
షేర్ల కేటాయింపు ఇలా..
- ఈ ఒప్పందంలో భాగంగా మొదటి దశ ప్రాధాన్యం షేర్ల కేటాయింపులో 1.94 కోట్ల ఈక్విటీ షేర్లను రూ.258 చొప్పున(ఒక్కో షేరుకు).. మొత్తం రూ.500 కోట్లతో దక్కించుకోనుంది పనాటోన్ ఫిన్వెస్ట్.
- రెండో దశలో 3.68 కోట్ల షేర్లను రూ.258 చొప్పున (మొత్తం రూ.952 కోట్లకు) పనాటోన్ ఫిన్వెస్ట్కు కేటాయించనుంది తేజస్ నెట్వర్క్స్.
- మూడో దశలో.. 1.55 కోట్ల షేర్లను.. రూ.258తో (రూ.400 కోట్లతో) కొనుగోలు చేయనుంది టాటా సన్స్ అనుబంధ సంస్థ.
- వీటన్నిటితో పాటు.. వ్యక్తిగత నిర్వహణలో ఉన్న 13 లక్షల ఈక్విటీ షేర్లను కూడా.. రూ.258 చొప్పున కొనుగోలు చేయనుంది పనాటోన్ ఫిన్వెస్ట్. ఈ లావాదేవీ విలువ రూ.34 కోట్లు.
ఇదీ చదవండి: ఆదివారం నుంచి టాటా కార్లు మరింత ప్రియం
