స్టాక్ మార్కెట్లు లాభాల జోరుకు ఆరంభంలోనే ఆటంకం ఏర్పడింది. బొంబాయి స్టాక్ ఎక్స్చేంజి సూచీ-సెన్సెక్స్ ప్రస్తుతం 59.63 పాయింట్ల నష్టంతో 39,216.01 పాయింట్ల వద్ద ట్రేడవుతోంది. జాతీయ స్టాక్ ఎక్స్చేంజి సూచీ-నిఫ్టీ 21.35 పాయింట్ల నష్టంతో 11,765.80 వద్ద కొనసాగుతోంది.
గత సెషన్లో వచ్చిన భారీ లాభాల కారణంగా స్టాక్ మార్కెట్లు రికార్డు స్థాయిలను నమోదు చేశాయి. ఈ ఉదయం లాభాలతో ప్రారంభమైనప్పటికీ... మదుపరులు ఎక్కువగా లాభాల స్వీకరణకు మొగ్గు చూపుతున్నారు.
వీటికి తోడు ఇతర ప్రధాన ఆసియా మార్కెట్లు ప్రారంభం నుంచే నష్టాల్లో ట్రేడవుతుండటం మదుపరుల సెంటిమెంట్ను దెబ్బతీసింది.
లాభానష్టాల్లోనివే
సెన్సెక్స్లో టాటా మోటర్స్, రిలయన్స్, ఏషియన్ పెయింట్స్, టీసీఎస్, హెచ్డీఎఫ్సీ బ్యాంకుల షేర్లు లాభాల్లో ట్రేడవుతున్నాయి.
భారతీ ఏయిర్టెల్, యెస్ బ్యాంకు, వేదాంత, ఇండస్ఇండ్ బ్యాంకు, టాటా స్టీల్, ఎస్బీఐ షేర్లు నష్టాల్లో ట్రేడవుతున్నాయి.
ఇతరమార్కెట్ల తీరిది
ఇతర ప్రధాన ఆసియా మార్కెట్లు షాంఘై స్టాక్ ఎక్స్చేంజి, జపాన్ సూచీ నిక్కీ, దక్షిణ కొరియా సూచీ కోస్పీలు నష్టాలతో నష్టాల్లో ట్రేడవుతన్నాయి.
