ఉదయం స్వల్ప నష్టాలతో ప్రారంభమైన స్టాక్ మార్కెట్లు... మిడ్ సెషన్ తర్వాత ఓ మోస్తరు నష్టాల్లో సాగాయి. ఆ తర్వాత అంతర్జాతీయ పరిణామాలతో భారీగా పతనమయ్యాయి.
బొంబాయి స్టాక్ ఎక్స్చేంజి సూచీ-సెన్సెక్స్ 353.87 పాయింట్లు నష్టపోయింది. మార్కెట్లు ముగిసే సమయానికి 38,585.35 పాయింట్లకు చేరింది.
జాతీయ స్టాక్ ఎక్స్చేంజి సూచీ-నిఫ్టీ 87.65 పాయింట్ల నష్టంతో... 11,584.30 పాయింట్ల వద్ద సెషన్ ముగించింది.
ఇదీ కారణం
అంతర్జాతీయ ద్రవ్య నిధి (ఐఎంఎఫ్) ప్రపంచ వృద్ధి అంచనాలు తగ్గించిన నేపథ్యంలో అంతర్జాతీయ మార్కెట్లు దాదాపు అన్నీ.. నష్టాలను నమోదు చేశాయి.
ఈ ప్రభావం దేశీయ మదుపరుల సెంటిమెంటును దెబ్బతీసింది. లాభాల స్వీకరణకు వారు మొగ్గుచూపారు. అయితే భారత్ వృద్ధి కొనసాగుతుందని ఐఎంఎఫ్ అంచనా వేసింది.
ఐరోపా దిగుమతులపై 11 బిలియన్ డాలర్ల సుంకాలను విధిస్తున్నట్లు అమెరికా అధ్యక్షుడు డొనాల్డ్ ట్రంప్ ప్రకటించారు. ఈ దెబ్బతో ఐరోపా మార్కెట్లు భారీ నష్టాలను చవి చూశాయి.
ఇంట్రాడే సాగిందిలా..
| సూచీ | గరిష్ఠం | కనిష్ఠం |
| సెన్సెక్స్ | 38,950.45 | 38,542.28 |
| నిఫ్టీ | 11,680.05 | 11,571.75 |
లాభనష్టాల లెక్కలివి
| లాభపడిన షేర్లు | నష్టపోయిన షేర్లు |
| టాటా మోటార్స్ - 4.68 శాతం | భారతీ ఎయిర్టెల్ - 3.28 శాతం |
| హెచ్యూఎల్ - 0.78 శాతం | ఏషియన్ పెయింట్స్ - 2.15 శాతం |
| కోటక్ బ్యాంకు - 0.61 శాతం | టీసీఎస్ - 2.12 శాతం |
| కోల్ ఇండియా - 0.55 శాతం | హెచ్డీఎఫ్సీ బ్యాంకు - 2.07 శాతం |
| సన్ ఫార్మా - 0.36 శాతం | హెచ్డీఎఫ్సీ - 1.96 శాతం |
30 షేర్ల ఇండెక్స్లో 8 షేర్లు మాత్రమే లాభాలను ఆర్జించగా... 22 షేర్లు నష్టాలను మూటగట్టుకున్నాయి.
50 షేర్ల నిఫ్టీ ప్యాక్లో 21 షేర్లు లాభాలను, 29 షేర్లు నష్టాలను నమోదు చేశాయి.
