స్టాక్ మార్కెట్లు నేడు ఒడుదొడుకులను ఎదుర్కొంటున్నాయి. సెషన్ ప్రారంభం నుంచే లాభానష్టాల మధ్య ఊగిసలాడుతున్నాయి సూచీలు.
బొంబాయి స్టాక్ ఎక్స్చేంజి సూచీ- సెన్సెక్స్ దాదాపు 58 పాయింట్లు పుంజుకుంది. ప్రస్తుతం 39,842 వద్ద ట్రేడవుతోంది. జాతీయ స్టాక్ ఎక్స్చేంజి సూచీ- నిఫ్టీ 12 పాయింట్ల లాభంతో 11,935 వద్ద ట్రేడింగ్ సాగిస్తోంది.
విశ్లేషణ
రేపు వెలువడనున్న పరిశ్రమల ఉత్పత్తి, రిటైల్ ద్రవ్యోల్బణం గణాంకాల నేపథ్యంలో మదుపరులు ఆచితూచి వ్యవహరిస్తున్నారు. వీటికి తోడు బ్యాంకింగేతర ఆర్థిక రంగాల సంక్షోభం మదుపరుల సెంటిమెంట్ను ప్రభావితం చేస్తున్నట్లు నిపుణులు అభిప్రాయపడ్డారు.
లాభనష్టాల్లోనివివే..
ఇండస్ఇండ్ బ్యాంకు, ఓఎన్జీసీ, హెచ్సీఎల్ టెక్, టాటా మోటార్స్, టీసీఎస్, ఇన్ఫోసిస్, పవర్ గ్రిడ్, కోల్ ఇండియా షేర్లు లాభాల్లో ట్రేడవుతున్నాయి.
సన్ ఫార్మా, భారతీ ఎయిర్టెల్, ఎం&ఎం, యాక్సిస్ బ్యాంకు, హెచ్డీఎఫ్సీ, ఐసీఐసీఐ బ్యాంకు, కోల్ ఇండియా షేర్లు నష్టాల్లో ట్రేడవుతున్నాయి.
రూపాయి, ముడిచమురు
సెషన్ ప్రారంభంలో రూపాయి 16 పైసలు బలపడింది. డాలర్తో రూపాయి మారకం విలువ 69.49 వద్ద ట్రేడవుతోంది.
ముడి చమురు ధరల సూచీ బ్రెంట్ 0.32 శాతం పెరిగింది. అంతర్జాతీయ మార్కెట్లో బ్యారెల్ ముడి చమురు ధర 62.49 డాలర్లుగా కొనసాగుతోంది.
ఇదీ చూడండి: 'వార్తలు వారివి... కోట్ల డాలర్లు గూగుల్వి'
